Еўрапейскія гульні-2019 у Мінску
Афіцыйны сайт Рэспублікі Беларусь
Свята Купалле
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

15 Ліп 2015

Беларускія будаўнікі 1 жніўня пачнуць будаўніцтва 6 дамоў у Калужскай вобласці

15 ліпеня, Мінск /Юлія Огнева - БЕЛТА/. Беларускія будаўнікі 1 жніўня пачнуць будаўніцтва 6 дамоў у Калужскай вобласці Расіі. Аб гэтым паведаміў сёння міністр архітэктуры і будаўніцтва Анатоль Чорны на пасяджэнні Савета Міністраў, на якім былі заслуханы справаздачы аб выкананні даручэнняў кіраўніка дзяржавы і ўрада па павышэнні работы падрадных арганізацый, домабудаўнічых камбінатаў і арганізацый прамысловасці будаўнічых матэрыялаў, перадае карэспандэнт БЕЛТА.

Паводле слоў Анатоля Чорнага, для ўпарадкавання работы па экспарце паслуг Мінбудархітэктуры даручыла РУП "Белбудцэнтр" выступіць адзінай інжынірынгавай кампаніяй па будаўніцтве аб'ектаў у блізкіх абласцях Расіі. Вядзецца актыўная работа ў Пскоўскай вобласці, рэалізуецца праект па будаўніцтве квартала ў Смаленскай вобласці - 13 дамоў. Заключаны кантракты, і з 1 жніўня пачынаецца будаўніцтва 6 дамоў у Калужскай вобласці з перспектывай будаўніцтва 360 тыс. квадратных метраў жылля. "Перагаворы вяліся доўгі час, пачыналі іх з адмоўнай рэнтабельнасцю, але на падпісанне кантрактаў выйшлі на рэнтабельнасць да 2,5 працэнта з улікам таго, што Расія не мяняла цэны на жыллё з дзяржпадтрымкай", - адзначыў міністр.

Анатоль Чорны канстатаваў, што для работы па рэалізацыі інвестыцыйных праектаў па крэдытах кітайскіх банкаў створана сумеснае прадпрыемства "Сіцік-Белпрам". "У бліжэйшы час плануецца пашырэнне функцый да міжнароднай інжынірынгавай кампаніі, здольнай рэалізаваць праекты пад ключ у краінах Еўразійскага эканамічнага саюза", - сказаў ён.

Традыцыйна на рынках далёкага замежжа выступае ЗАТ "Белзамежбуд", рэалізуюцца праекты ў Венесуэле і Эквадоры. Паводле слоў Анатоля Чорнага, цяпер прапрацоўваюцца магчымасці рэалізацыі ў Эквадоры сацыяльнага праекта - будаўніцтва 100 школ. "Гэта сур'ёзны заказ, практычна на чатыры гады сур'ёзнай загрузкі на знешніх рынках", - растлумачыў міністр.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс