Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

24 Врс 2020

Беларуская прадукцыя можа стаць пазнаваемым брэндам у Аргенціне - БелГПП

Беларуская прадукцыя можа стаць пазнаваемым брэндам у Аргенціне - БелГПП
Фота з архiва

24 верасня, Мінск /Кар. БЕЛТА/. Беларуская прадукцыя можа стаць пазнаваемым брэндам у Аргенціне. Аб гэтым ішла размова на бізнес-сустрэчы "Беларусь і Аргенціна: перспектыўныя напрамкі знешнегандлёвага супрацоўніцтва", паведамілі БЕЛТА ў Мінскім аддзяленні БелГПП, якое сумесна з Палатай імпарцёраў Аргенціны 22 верасня правяло гэта мерапрыемства ў рэжыме анлайн.

"Лацінская Амерыка цікавіць нашу краіну як важная платформа інтэграцыі ў сусветныя гандлёва-гаспадарчыя сувязі, і, нягледзячы на абставіны, звязаныя з рэжымам самаізаляцыі ў Аргенціне, ГПП Мінска і Буэнас-Айрэса змаглі паспяхова правесці сумеснае мерапрыемства ў фармаце відэаканферэнцыі, аб чым сведчыць прысутнасць больш як 30 беларускіх і аргенцінскіх удзельнікаў", - адзначылі ў палаце.

Надзвычайны і Паўнамоцны Пасол Беларусі ў Аргенціне Уладзімір Астапенка, які прыняў удзел у бізнес-сустрэчы, выказаў надзею, што такі фармат мерапрыемстваў таксама дасць магчымасць знайсці новыя напрамкі супрацоўніцтва і будзе садзейнічаць росту ўзаемнага гандлю. Намеснік старшыні праўлення Нацыянальнага банка Беларусі Сяргей Калечыц у сваю чаргу адзначыў, што беларускія банкі маюць значны вопыт па арганізацыі міжнародных разлікаў і на гэты момант ёсць інструменты, якія будуць карыснымі пры вырашэнні праблем, звязаных з фінансавымі разлікамі.

"Нягледзячы на тое што некаторыя беларускія прадпрыемствы - удзельнікі анлайн-сустрэчы робяць толькі першыя крокі на аргенцінскім рынку, гандлёва-прамысловыя палаты Беларусі і Аргенціны небеспадстаўна мяркуюць, што іх прадукцыя стане пазнаваемым брэндам у Аргенцінскай Рэспубліцы", - лічаць у Мінскім аддзяленні БелГПП. - Сваю задачу палата беларускай сталіцы бачыць у пастаяннай падтрымцы і садзейнічанні экспарту праз далейшае правядзенне такіх сустрэч на рэгулярнай аснове як у анлайн, так і ў афлайн фарматах".

Беларускі бок на мерапрыемстве прадставілі вядучыя вытворцы сельскагаспадарчай тэхнікі, харчовай і тэкстыльнай прамысловасці, оптыка-электроннага высокадакладнага прыборабудавання, галаграфічнай прадукцыі. Яны прэзентавалі сваю прадукцыю патэнцыяльным партнёрам, абмеркавалі перспектывы і абмяняліся кантактамі для далейшага абмеркавання магчымага супрацоўніцтва.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі