Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

27 Jul 2022

Беларуская біятэхналагічная карпарацыя выйдзе на поўную моц па камбікармах і амінакіслотах у верасні

Беларуская біятэхналагічная карпарацыя выйдзе на поўную моц па камбікармах і амінакіслотах у верасні

27 ліпеня, Пухавіцкі раён /Кар. БЕЛТА/. Беларуская нацыянальная біятэхналагічная карпарацыя (БНБК) выйдзе на поўную моц па камбікармах і амінакіслотах у верасні, расказаў намеснік прэм'ер-міністра Беларусі Леанід Заяц у час наведвання карпарацыі, перадае карэспандэнт БЕЛТА.

"Пачынаючы з верасня карпарацыя выйдзе на поўную моц. Былі пэўныя замінкі пры здачы аб'екта. Урадам было прынята рашэнне аб параносе ўводу ў эксплуатацыю некаторых аб'ектаў да канца бягучага года", - расказаў Леанід Заяц.

З 1 ліпеня пачалося павелічэнне аб'ёму вытворчасці камбікорму і амінакіслот. Як экспартна арыентаванае прадпрыемства БНБК актыўна супрацоўнічае з замежнымі пакупнікамі, у прыватнасці з РФ. "Цяпер ідзе цесная работа з Расіяй па камбікармах. Заключаны дагаворы на 109 тыс. т камбікорму, або прыблізна на $218 млн. Цяпер вядуцца перагаворы аб пастаўцы камбікармоў для свіней і птушкі, каб забяспечыць загрузку прадпрыемстваў для пакрыцця патрэбнасцей на знешнім і ўнутраным рынках", - адзначыў ён.

Паводле слоў віцэ-прэм'ера, цяпер на ўнутраным рынку заключаны дагаворы на Br127 тыс. т і вырашаецца пытанне аб заключэнні дадатковых пагадненняў на Br95 тыс. т, што сумарна складзе больш за 220 тыс. т прадукцыі. "БНБК пабудавана дзякуючы ініцыятыве кіраўніка дзяржавы і цеснай дружбе са старшынёй Кітайскай Народнай Рэспублікі. Мы бачым, што сёння створана ўнікальнае прадпрыемства, якое поўнасцю забяспечыць патрэбнасці сферы жывёлагадоўлі Беларусі ў імпартных прадуктах - амінакіслотах, прэміксах і іншым", - дадаў Леанід Заяц.

Інвестыцыйны праект "Беларуская нацыянальная біятэхналагічная карпарацыя" прадугледжвае арганізацыю да 2032 года вытворчасці глыбокай перапрацоўкі збожжа па сучасных метадах біятэхналогіі з атрыманнем незаменных амінакіслот для вытворчасці і выхаду на мясцовы і экспартны рынкі высокапрадукцыйных збалансаваных камбікармоў і прэміксаў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі