Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

21 Jan 2015

Беларуска-расійскі фонд венчурнага фінансавання плануецца стварыць у 2015 годзе

21 студзеня, Мінск /Кар. БЕЛТА/. Беларуска-расійскі фонд венчурнага фінансавання плануецца стварыць у 2015 годзе. Аб гэтым паведаміў сёння на прэс-канферэнцыі, прысвечанай Дню беларускай навукі, старшыня Дзяржаўнага камітэта па навуцы і тэхналогіях Аляксандр Шумілін, перадае карэспандэнт БЕЛТА.

"Мы цяпер вядзём перагаворы з расійскай венчурнай кампаніяй па стварэнні ў Беларусі першага беларуска-расійскага венчурнага фонду. Плануецца, што да канца года ён ужо будзе працаваць", - адзначыў ён.

Сумесны венчурны фонд будзе створаны, каб распрацоўшчыкі маглі атрымаць інвестыцыі для рэалізацыі сваіх праектаў. Беларусь у гэтым сумесным праекце будзе прадстаўляць Беларускі інавацыйны фонд.

Паводле слоў Аляксандра Шуміліна, недахопу ў праектах, якія прэтэндуюць на атрыманне фінансавання, не будзе. "Сёння рэсурсы Беларускага інавацыйнага фонду - гэта ўсяго толькі Br40 млрд, а колькасць заявак ужо ў 3-4 разы большая. У Беларусі вельмі шмат добрых праектаў, якія маглі б быць прафінансаваны", - растлумачыў старшыня ДКНТ.

"Стварэнне такога фонду - значны праект, паколькі вельмі важна, каб маладыя распрацоўшчыкі атрымалі магчымасць рэалізацыі сваіх ідэй і стварэння ўласнага бізнесу", - падкрэсліў Аляксандр Шумілін.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі