У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

14 Ліп 2015

Беларуска-малдаўскі бізнес-форум адбудзецца ў Мінску 15 ліпеня

14 ліпеня, Кішынёў /Андрэй Гусін - БЕЛТА/. Шаснаццатае пасяджэнне Міжурадавай беларуска-малдаўскай камісіі па гандлёва-эканамічным супрацоўніцтве, а таксама Беларуска-малдаўскі бізнес-форум адбудуцца ў Мінску 15 ліпеня, паведамілі БЕЛТА ва ўрадзе Малдовы.

Плануецца, што гэтыя мерапрыемствы нададуць дадатковы імпульс развіццю двухбаковых гандлёва-эканамічных адносін.

Старшынёй беларускай часткі міжурадавай камісіі па гандлёва-эканамічным супрацоўніцтве з'яўляецца намеснік прэм'ер-міністра Міхаіл Русы, малдаўскай часткі - віцэ-прэм'ер, міністр эканомікі Стэфан Брыдэ. На пасяджэнні міжурадавай камісіі будзе разгледжаны практычна ўвесь спектр двухбаковага супрацоўніцтва, уключаючы гандлёва-эканамічнае, міжрэгіянальнае, узаемадзеянне ў галінах аховы здароўя, культуры, спорту, турызму, падтрымкі нацыянальных меншасцей дзвюх краін. У сферы эканомікі асноўны акцэнт будзе зроблены на развіцці кааперацыйных сувязей беларускіх і малдаўскіх прадпрыемстваў, стварэнні сумесных вытворчасцей, узаемадзеянні ў транспартнай, будаўнічай, энергетычнай галінах.

Пасяджэнне міжурадавай камісіі і бізнес-форум папярэднічаюць афіцыйнаму візіту ў Беларусь прэзідэнта Малдовы Мікалая Цімофці, які адбудзецца 16-17 ліпеня.

У 2014 годзе тавараабарот Беларусі і Малдовы вырас на 15,4 працэнта і дасягнуў $411,8 млн. У тым ліку беларускі экспарт склаў $262,2 млн - гэта 14-е месца па аб'ёме тавараабароту Малдовы з краінамі свету і 4-е - з краінамі СНД пасля Расіі, Украіны і Казахстана.

Паспяховаму развіццю гандлёва-эканамічных адносін садзейнічае ўзаемадапаўняльны характар эканомік дзвюх краін. У Малдову з Беларусі пастаўляецца шырокая гама прамысловых вырабаў (трактары, тралейбусы, грузавыя аўтамабілі, бытавая тэхніка) і прадукцыі нафтахіміі (нафтапрадукты, бітум, поліэтылен, шыны). Вядзецца прапрацоўка паставак новых відаў тавараў (зернесушыльнае і ірыгацыйнае абсталяванне, легкавыя аўтамабілі "БелДжы"). Беларусь з'яўляецца асноўным спажыўцом малдаўскай вінаробнай прадукцыі і плодаагародніннай прадукцыі (42 працэнты і 23 працэнты малдаўскага экспарту адпаведна).

Апошнія гады актыўна развіваецца двухбаковае кааперацыйнае супрацоўніцтва: у Кішынёве арганізаваны сумесныя вытворчасці беларускіх тралейбусаў і трактароў. Вядзецца прапрацоўка зборкі аўтобусаў МАЗ і сумесных вытворчасцей у Беларусі пеністых і ціхіх він.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску