Бізнес-навіны

Беларуска-кітайскі форум трансгранічнага электроннага гандлю 10 верасня пройдзе ў Цындаа

22 жніўня, Мінск /Аліна Грышкевіч - БЕЛТА/. Беларуска-кітайскі форум трансгранічнага электроннага гандлю 10 верасня пройдзе ў горадзе Цындаа, паведамілі карэспандэнту БЕЛТА ў пасольстве Беларусі ў КНР.

Тэма яго правядзення ў ліку іншых разглядалася на сустрэчы 22 жніўня Надзвычайнага і Паўнамоцнага Пасла Беларусі ў Кітаі Кірыла Рудага з намеснікам генеральнага дырэктара Кітайскай асацыяцыі гандлю паслугамі (China Association of Trade in Services, CATIS) Цьян Гуафенам. Бакі абмеркавалі напрамкі ўзаемавыгаднага супрацоўніцтва і нарошчвання экспарту беларускіх паслуг у Кітай у галіне турызму, аховы здароўя, культуры, аўтамабільных перавозак і іншых перспектыўных напрамкаў.

Асацыяцыя пацвердзіла свой удзел у Беларуска-кітайскім форуме трансгранічнага электроннага гандлю. Была таксама выказана зацікаўленасць у запрашэнні партнёраў і членаў асацыяцыі для практычнага абмеркавання пытанняў супрацоўніцтва з беларускім бізнесам.

версія для друку

зрабіць стартавай

дабавіць у выбранае