У Беларусь без візы на 30 дзён
Афіцыйны сайт Рэспублікі Беларусь
ВЫБАРЫ ў Палату прадстаўнікоў Нацыянальнага сходу Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

27 Крс 2017

Беларуска-амерыканскі форум малога і сярэдняга бізнесу праходзіць у ЗША

27 красавіка, Мінск /Кар. БЕЛТА/. Дэлегацыя беларускіх дзелавых колаў на чале са старшынёй прэзідыума Рэспубліканскай канфедэрацыі прадпрымальніцтва (РКП) Уладзімірам Карагіным 24-28 красавіка ў ЗША прымае ўдзел у Беларуска-амерыканскім форуме малога і сярэдняга бізнесу. Аб гэтым БЕЛТА паведамілі ў прэс-службе МЗС.

24 красавіка члены дэлегацыі прынялі ўдзел у двухбаковых мерапрыемствах у Вашынгтоне. У штаб-кватэры Цэнтра міжнароднага прыватнага прадпрымальніцтва адбылася сустрэча з кіраўніцтвам цэнтра, прэзентацыя прапаноў беларускіх кампаній. Пацверджана дамоўленасць аб аказанні цэнтрам фінансавай падтрымкі правядзенню ў Мінску міжнароднай канферэнцыі прадпрымальніцтва ў маі 2017 года.

Беларускія бізнесмены наведалі стартап-інкубатар "1776", дзе былі прадстаўлены прапановы айчынных фірм і абмеркаваны пытанні падтрымкі беларускіх стартапаў.

25-26 красавіка беларуская дэлегацыя прыняла ўдзел у дзелавых мерапрыемствах у Філадэльфіі, якія сталі часткай 21-га Еўразійска-амерыканскага тыдня інавацыйных тэхналогій. Мерапрыемства наведалі прадстаўнікі кіраўніцтва гарадской адміністрацыі Філадэльфіі, інавацыйных кампаній, вядомых навуковых і адукацыйных устаноў.

Акрамя таго, беларуская дэлегацыя прыняла ўдзел у выстаўцы HermesExpo, наведала штаб-кватэру буйнейшай тэлекамунікацыйнай кампаніі Comcast і бізнес-інкубатар Універсітэцкага гарадскога навуковага цэнтра Філадэльфіі.

27-28 красавіка мерапрыемствы Беларуска-амерыканскага форуму малога і сярэдняга бізнесу прадаўжаюцца ў Нью-Ёрку. Прадугледжана наведванне арганізацый падтрымкі прадпрымальніцтва, у тым ліку венчурнага фонду.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс