Бізнес-навіны

Беларускі бізнес вывучыў найноўшыя галіновыя трэнды на выстаўках FoodPack China і ProPak China ў Шанхаі

27 чэрвеня, Мінск /Кар. БЕЛТА/. Прадстаўнікі беларускага бізнесу пры падтрымцы Мінскага аддзялення Беларускай гандлёва-прамысловай палаты прынялі ўдзел у вядучых галіновых выстаўках Кітая: інавацый ва ўпакоўцы і перапрацоўцы прадуктаў харчавання FoodPack China 2025 і перадавых тэхналогій фасоўкі, маркіроўкі і аўтаматызацыі ProPak China 2025. Аб гэтым паведамілі БЕЛТА ў Мінскім аддзяленні БелГПП.

У склад беларускай дэлегацыі ўвайшлі прадстаўнікі мясной прамысловасці, якія азнаёміліся з найноўшымі тэхналогіямі  і рашэннямі, актуальнымі для мясаперапрацоўчага сектара. Сярод ключавых інтарэсаў айчынных спецыялістаў - сучасны дызайн упакоўкі для мясных далікатэсаў, абсталяванне для перапрацоўкі, нарэзкі, фасоўкі і маркіроўкі, рашэнні для лагістыкі і складзіравання і тэхналогіі абвязкі і палеціравання.

Сярод вынікаў удзелу ў выстаўках у сталічным аддзяленні БелГПП выдзелілі ўстаноўленыя прамыя кантакты з вядучымі кітайскімі вытворцамі, вывучаныя найноўшыя галіновыя трэнды і знойдзеныя перспектыўныя рашэнні для мадэрнізацыі вытворчасцей.

версія для друку

зрабіць стартавай

дабавіць у выбранае