Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

21 Aug 2020

Беларусь зноў уводзіць ліцэнзаванне імпарту портландцэменту

Беларусь зноў уводзіць ліцэнзаванне імпарту портландцэменту
Фота з архiва

21 жніўня, Мінск /Кар. БЕЛТА/. Беларусь зноў уводзіць ліцэнзаванне імпарту портландцэменту. Гэта прадугледжана пастановай Савета Міністраў ад 18 жнiўня 2020 года нумар 491, якая афіцыйна апублікавана сёння на Нацыянальным прававым інтэрнэт-партале, паведамляе БЕЛТА.

Імпарт портландцэменту ў Беларусь з-за межаў ЕАЭС будзе магчымы па разавых ліцэнзіях. Іх будзе выдаваць Міністэрства антыманапольнага рэгулявання і гандлю па ўзгадненні з Міністэрствам архітэктуры і будаўніцтва. Узгадненне выдачы ліцэнзіі на імпарт портландцэменту павінна займаць у Мінбудархітэктуры 5 рабочых дзён, працэдура бясплатная.

Міністэрству замежных спраў даручана паведаміць Еўразійскую эканамічную камісію аб прынятай меры, унесці на разгляд ЕЭК прапанову аб прымяненні іншымі дзяржавамі - членамі ЕАЭС аналагічных мер, а таксама праінфармаваць аб прыняцці пастановы Выканкам СНД.

Пастанова ўступае ў сілу праз 10 дзён пасля яе афіцыйнага апублікавання і дзейнічае на працягу трох месяцаў.

Папярэдні раз ліцэнзаванне імпарту портландцэменту дзейнічала з 16 лютага па 16 жніўня 2020 года.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі