Бізнес-навіны

Беларусь зацікаўлена ў пастаўках на рынак Ірана малочнай і мясной прадукцыі

9 лістапада, Мінск /Кар. БЕЛТА/. Беларусь зацікаўлена ў пастаўках на іранскі рынак малочнай і мясной прадукцыі (ялавічыны, сметанковага масла, мяса курыцы, курыных і перапяліных яек), а таксама камбікармоў і прэміксаў для жывёл. Аб гэтым ішла размова ў час пасяджэння беларуска-іранскай сумеснай рабочай групы па супрацоўніцтве ў сферы сельскай гаспадаркі, паведамляе БЕЛТА са спасылкай на Telegram-канал Мінсельгасхарча.

"Іран, у сваю чаргу, зацікаўлены ў пастаўках агародніны, фруктаў і сухафруктаў, арэхаў, рыбы і морапрадуктаў і іншай сельскагаспадарчай прадукцыі ў Беларусь", - адзначылі ў прэс-службе.

З беларускага боку на пасяджэнні рабочай групы старшынстваваў намеснік міністра сельскай гаспадаркі і харчавання Аляксей Багданаў, з іранскага - намеснік міністра сельскай гаспадаркі Абас Аскарзадэ. У ходзе сустрэчы абмеркаваны перспектывы двухбаковага гандлёва-эканамічнага супрацоўніцтва паміж дзвюма краінамі, у прыватнасці - нарошчванне асартыменту і аб'ёму ўзаемных паставак прадуктаў харчавання і сельскагаспадарчай сыравіны.

Па выніках 9 месяцаў 2021 года тавараабарот харчовымі таварамі і сельскагаспадарчай сыравінай з Іранам склаў $8 млн (тэмп росту ў параўнанні з аналагічным перыядам 2020 года - 114,5 працэнта).

версія для друку

зрабіць стартавай

дабавіць у выбранае