Бізнес-навіны

Беларусь зацікаўлена ў пастаўках на рынак Нігерыі малочнай прадукцыі, мяса птушкі і яек

3 лютага, Мінск /Кар. БЕЛТА/. Беларусь зацікаўлена ў пастаўках на рынак Нігерыі малочнай прадукцыі, мяса птушкі і яек. Аб гэтым ішла размова на сустрэчы першага намесніка міністра сельскай гаспадаркі і харчавання Ігара Брыло з Надзвычайным і Паўнамоцным Паслом Нігерыі ў Расіі і Беларусі па сумяшчальніцтве Абдулахі Ібаіквала Шэху, паведамілі БЕЛТА ў прэс-службе Мінсельгасхарча.

"Бакі абмеркавалі стан і перспектывы развіцця двухбаковых гандлёва-эканамічных адносін у сферы АПК, дамовіліся аб стварэнні сумеснай рабочай групы ў галіне сельскай гаспадаркі. Былі разгледжаны і пытанні пашырэння супрацоўніцтва ў галіне паставак прадуктаў харчавання: Беларусь зацікаўлена ў пастаўках на рынак Нігерыі малочнай прадукцыі, а таксама мяса птушкі і яек", - расказалі ў прэс-службе.

Таксама на сустрэчы адзначана паспяховае двухбаковае ўзаемадзеянне паміж краінамі ў сферы аграрнай адукацыі. Цяпер у беларускіх сельскагаспадарчых ВНУ навучаюцца 63 грамадзяніны Нігерыі.

версія для друку

зрабіць стартавай

дабавіць у выбранае