Бізнес-навіны

7 верасня, Мінск /Кар. БЕЛТА/. Беларусь вывучае італьянскую практыку падтрымкі малога і сярэдняга бізнесу, паведамілі БЕЛТА ў прэс-службе Міністэрства замежных спраў Беларусі.

У Рыме 6 верасня адбылася сустрэча Надзвычайнага і Паўнамоцнага Пасла Беларусі ў Італьянскай Рэспубліцы Аляксандра Гур'янава з прэзідэнтам агенцтва па папулярызацыі італьянскіх прадпрыемстваў за мяжой "Сімест С.п.А" Сальваторэ Рэбекіні. У развіццё раней дасягнутых дамоўленасцей бакі абмеркавалі пытанні вывучэння італьянскай практыкі падтрымкі малога і сярэдняга бізнесу, а таксама абмену вопытам у сферы пашырэння экспарту і інвестыцый.

Акрамя таго, абмеркаваны перспектывы двухбаковага супрацоўніцтва, у тым ліку ў кантэксце рэалізацыі дамоўленасцей па выніках першага пасяджэння міжурадавай беларуска-італьянскай камісіі па эканамічным супрацоўніцтве.