Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

29 Крс 2020

Беларусь у маі атрымае з РФ 1,13 млн т нафты, работа з альтэрнатыўнымі крыніцамі прадоўжыцца

Беларусь у маі атрымае з РФ 1,13 млн т нафты, работа з альтэрнатыўнымі крыніцамі прадоўжыцца
Фота з архiва

29 красавіка, Мінск /Кар. БЕЛТА/. Беларусь у маі плануе атрымаць з РФ 1,13 млн т нафты, работа з альтэрнатыўнымі крыніцамі прадоўжыцца. Аб гэтым паведаміў карэспандэнту БЕЛТА прэс-сакратар "Белнафтахіма" Аляксандр Цішчанка.

"На май планы паставак з Расіі пацверджаны на ўзроўні 1,13 млн т нафты. Прадоўжыцца работа і з альтэрнатыўнымі крыніцамі. Аб'ёмы будуць вызначацца зыходзячы з кан'юнктуры ўнутранага і знешняга рынкаў", - сказаў Аляксандр Цішчанка.

Паводле яго слоў, у красавіку Беларусь, як і планавалася, атрымала амаль 2 млн т нафты.

"З іх 1,56 млн т - гэта расійскія пастаўкі па трубе і чыгуначным транспартам. Астатні аб'ём - танкерныя пастаўкі і ўласная здабыча", - удакладніў прэс-сакратар "Белнафтахіма".

Як паведамлялася, з красавіка пастаўкі ў Беларусь аднавілі буйныя расійскія нафтавыя кампаніі. Акрамя таго, у красавіку для Мазырскага НПЗ праз порт Адэсы была пастаўлена партыя азербайджанскай нафты, у ААТ "Нафтан" - партыя нарвежскай нафты з перавалкай у Клайпедскім порце. Абодва танкеры - па 85 тыс. т.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі