Бізнес-навіны

27 ліпеня, Пухавіцкі раён /Кар. БЕЛТА/. Беларусь плануе паставіць у Кітай у 2018 годзе сельгаспрадукцыі на $100 млн, паведаміў сёння журналістам намеснік прэм'ер-міністра Беларусі Міхаіл Русы, перадае карэспандэнт БЕЛТА.

"У мінулым годзе мы паставілі сельгаспрадукцыі ў Кітай на $17 млн. Мы лічым, што гэтага мала, паколькі рынак вельмі вялікі. Ставім перад сабой задачу, што ў гэтым годзе мы павінны паставіць у КНР сельгаспрадукцыі на $100 млн", - сказаў Міхаіл Русы.

У гэтым годзе пастаўлены ўжо ў Кітай першыя партыі паўфабрыкатаў з ялавічыны вытворчасці ТАА "Вялес-Міт" і ААТ "Магілёўскі мясакамбінат". Нарошчваюцца адгрузкі малочнай прадукцыі. Для паставак у Кітай адкрыты такія беларускія птушкафабрыкі, як ААТ "Агракамбінат "Дзяржынскі", ААТ "Віцебская бройлерная птушкафабрыка", ААТ "Птушкафабрыка "Дружба", СЗАТ "Сервалюкс", ААТ "Смалявічы Бройлер".