Бізнес-навіны

13 мая, Мінск /Уладзімір Мацвееў - БЕЛТА/. Беларусь разлічвае на пашырэнне гандлёва-эканамічных адносін з Суданам. Аб гэтым заявіў Прэзідэнт Беларусі Аляксандр Лукашэнка, прымаючы даверчыя граматы ў Надзвычайнага і Паўнамоцнага Пасла Судана Амера Дахаба Фадль Махамеда, перадае карэспандэнт БЕЛТА.

"Адным з прыярытэтных напрамкаў знешняй палітыкі Беларусі па-ранейшаму з'яўляецца паглыбленне супрацоўніцтва з краінамі Афрыкі. Тут Беларусь разлічвае на актывізацыю гандлёва-эканамічных адносін з Суданам", - заявіў кіраўнік дзяржавы. "Спадзяёмся на інтэнсіфікацыю двухбаковых кантактаў і рэалізацыю захадаў па развіцці ўсіх напрамкаў супрацоўніцтва, і ўжо ў бліжэйшым будучым", - дадаў беларускі лідар.

Аляксандр Лукашэнка таксама адзначыў, што з беларускага боку плануецца наведванне краін афрыканскага кантынента, у тым ліку Судана, і ў гэтым плане рыхтуецца адпаведная праграма для візітаў.