Бізнес-навіны

Беларусь разглядае магчымасць стварыць на Кубе прадпрыемства па перапрацоўцы сухога малака

Фота з архiва

7 красавіка, Мінск /Кар. БЕЛТА/. Беларусь разглядае магчымасць стварыць на Кубе прадпрыемства па перапрацоўцы сухога малака. Аб гэтым заявіў намеснік прэм'ер-міністра Леанід Заяц, перадае карэспандэнт БЕЛТА.

"Аграрны сектар у Беларусі з'яўляецца асноўным складнікам нашай эканомікі. Мы будзем карысны вашай дзяржаве у плане супрацоўніцтва, у тым ліку па новых перадавых тэхналогіях ва ўсіх сферах дзейнасці, а таксама арганізацыі паставак. Фактычна забеспячэнне Беларусі айчыннымі прадуктамі складае 90 працэнтаў. Мы імпартуем толькі тую прадукцыю, якая не расце ў Беларусі, напрыклад кава, чай і бананы. Акрамя забеспячэння ўнутранага рынку, наша краіна сур'ёзна працуе і на знешнія рынкі. Так, нашымі спажыўцамі і партнёрамі з'яўляюцца 100 дзяржаў свету, а аб'ём экспарту сельгассыравіны і прадукцыі ў 2022 годзе склаў больш за $8 млрд", - падкрэсліў Леанід Заяц звяртаючыся да кубінскай дэлегацыі.

Ён таксама дадаў, што ўсе беларускія прамысловыя прадпрыемствы сертыфікаваны і дапушчаны да вытворчасці і рэалізацыі прадукцыі. Для перапрацоўкі наша краіна вырабляе якасную сыравіну, якая праходзіць строгі санітарны кантроль гэтак жа, як і гатовая прадукцыя.

"На сёння ні ад адной краіны не паступала нараканняў наконт якасці нашай прадукцыі, паколькі мы яшчэ з савецкіх часоў працуем па стандартах. Спадзяёмся забяспечыць пастаўку на рынак Кубы такіх прадуктаў, як сухое малако, сухое натуральнае малако, а таксама абястлушчанае малако. Акрамя таго, у нас ёсць план па стварэнні на Кубе прадпрыемствы па перапрацоўцы сухога малака. Калі будзе дамоўленасць аб закладцы 50 тыс. т малака, то мы гатовы разгледзець магчымасць будаўніцтва гэтага завода з выпускам шырокай лінейкі прадукцыі - марожанага, сыроў, натуральнамалочнай прадукцыі і інш. Гэта будзе важны крок у забеспячэнні ўзаемных інтарэсаў і выгады паміж нашымі краінамі", - заявіў намеснік прэм'ер-міністра.

Таксама Леанід Заяц акцэнтаваў увагу на магчымасці нашай краіны перапрацоўваць свініну, ялавічыну і мяса птушкі. "Мы павінны разумець, які аб'ём мяса можна перапрацаваць, і ў адпаведнасці з гэтым выбудоўваць стратэгію. З вашай краіны таксама можна было б пастаўляць нашу прадукцыю і ў трэція краіны, таму што яна заўсёды запатрабавана. Мы гатовы прадэманстраваць нашы магчымасці, прадаставіць дэгустацыю прадукцыі і абмеркаваць усё з вашым бізнесам", - рэзюмаваў ён.

Кубінскі бок у сваю чаргу выказаў зацікаўленасць у экспарце морапрадуктаў, фруктаў і кавы ў Беларусь.

версія для друку

зрабіць стартавай

дабавіць у выбранае