Бізнес-навіны

Беларусь разглядае магчымасць рэалізацыі ў егіпецкім Асуане энергетычных праектаў

Фота пасольства Беларусі ў Егіпце

29 студзеня, Мінск /Аліна Грышкевіч - БЕЛТА/. Беларусь разглядае магчымасць рэалізацыі ў егіпецкім Асуане энергетычных праектаў, паведамілі карэспандэнту БЕЛТА ў пасольстве Беларусі ў Егіпце.

Гэта тэма разглядалася ў час паездкі 26-28 студзеня Надзвычайнага і Паўнамоцнага Пасла Беларусі ў Арабскай Рэспубліцы Егіпет Сяргея Рачкова ў губернатарства Асуан. На сустрэчы з губернатарам Ахмедам Ібрагімам Махамедам абмеркаваны стан і перспектывы супрацоўніцтва Беларусі з гэтым рэгіёнам, намечаны шляхі паглыблення гандлёва-эканамічных і гуманітарных сувязей, уключаючы пашырэнне тэхнікі МАЗ, БелАЗ, "Амкадор", МТЗ і развіццё ўзаемнага турызму.

Адбылася таксама сустрэча пасла са старшынёй Асуанскай гандлёвай палаты Махамедам Абулкасемам і прадстаўнікамі дзелавых колаў губернатарства, па выніках якой бакі дамовіліся аб стварэнні сумеснай рабочай групы па падрыхтоўцы і рэалізацыі эканамічных праектаў.

Беларускі дыпламат наведаў Асуанскую плаціну і сустрэўся з кіраўніцтвам гэтага аб'екта, ва ўзвядзенні  якога ў 1960-я гады прымалі ўдзел беларускія спецыялісты і тэхніка. Дасягнуты дамоўленасці аб прапрацоўцы магчымых напрамкаў супрацоўніцтва ў энергетычнай сферы.

версія для друку

зрабіць стартавай

дабавіць у выбранае