У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

25 Май 2015

Беларусь прапануе свой удзел у здабычы карысных выкапняў у Інданезіі

25 мая, Мінск /Святлана Саўко - БЕЛТА/. Беларусь прапануе свой удзел у здабычы карысных выкапняў у Інданезіі. Аб гэтым заявіў сёння прэм'ер-міністр Андрэй Кабякоў на сустрэчы са спікерам Савета рэгіянальных прадстаўнікоў Народнай кансультатыўнай асамблеі Рэспублікі Інданезія Ірманам Гусманам, перадае карэспандэнт БЕЛТА.

Беларусь разглядае Інданезію як перспектыўнага партнёра ў Паўднёва-Усходняй Азіі, у тым ліку ў гандлёва-эканамічным плане, адзначыў прэм'ер-міністр. Тавараабарот дзвюх краін з $1,8 млн у 1995 годзе вырас да $215 млн у 2014-м. "Але гэта значна ніжэй за патэнцыял Інданезіі і Беларусі", - канстатаваў Андрэй Кабякоў і прапанаваў ад гандлю пераходзіць да паглыбленага інвестыцыйнага і навукова-тэхнічнага супрацоўніцтва.

Сумесныя прадпрыемствы, праекты дадуць магчымасць разам выкарыстоўваць перавагі кожнага з бакоў і атрымаць больш прыбытку, перакананы кіраўнік беларускага ўрада. "У прыватнасці, мы бачым перспектыву стварэння аўтсорсінгавай кампаніі ААТ "БелАЗ" і сумесны ўдзел у здабычы карысных выкапняў у Інданезіі. Вядуцца перагаворы аб пастаўках пасажырскай і грузавой тэхнікі ААТ "МАЗ", - расказаў ён.

Канкрэтныя праекты з партнёрамі рэалізуюцца ў Інданезіі. Для іх развіцця, паводле слоў прэм'ер-міністра, важна падтрымка кіраўніцтва гэтай краіны.

Закранаючы супрацоўніцтва паміж акадэміямі навук Беларусі і Інданезіі, Андрэй Кабякоў вылучыў у якасці перспектыўных такія напрамкі, як прыборабудаванне, арганічная хімія, матэрыялазнаўства, парашковая металургія. "Мы гатовы забяспечыць для Інданезіі падрыхтоўку навуковых кадраў вышэйшай кваліфікацыі, арганізаваць узаемныя стажыроўкі па спецыяльнасцях, якія цікавяць інданезійскі бок", - дадаў прэм'ер.

Андрэй Кабякоў адзначыў, што апошнім часам база двухбаковых адносін, эканамічныя і палітычныя кантакты, развіваюцца дынамічна. "Дасягнуты высокі ўзровень палітычнага і эканамічнага дыялогу, атмасфера даверу ў адносінах - гэта добры фундамент для далейшага перспектыўнага развіцця супрацоўніцтва нашых краін", - сказаў кіраўнік беларускага ўрада.

"У палітычнай галіне ў нас поўнае ўзаемаразуменне, узаемная падтрымка на міжнароднай арэне", - падкрэсліў ён. Прэм'ер звярнуў увагу, што ў сучасных умовах толькі дыялог, канструктыўнае і ўважлівае супрацоўніцтва з'яўляюцца ключом для дээскалацыі напружанасці, забеспячэння міру і бяспекі.

Кіраўнік беларускага ўрада выказаў упэўненасць, што дружба паміж Беларуссю і Інданезіяй павінна прырастаць на ўзроўні моладзі, дзякуючы культурным сувязям - у гэтым залог умацавання ўзаемаразумення. Набыты вопыт паказвае магчымасці для пашырэння супрацоўніцтва, якое сумеснымі намаганнямі напоўніцца яшчэ больш глыбокім зместам і доўгатэрміновымі перспектывамі. Для гэтага ёсць магутны фундамент, закладзены прэзідэнтамі Беларусі і Інданезіі, рэзюмаваў Андрэй Кабякоў.

У сваю чаргу Ірман Гусман адзначыў вельмі дынамічнае развіццё двухбаковых адносін у самых розных галінах. "Тым не менш, нам неабходна актывізаваць сумесныя намаганні, каб вывесці наша ўзаемадзеянне на якасна новы ўзровень", - лічыць спікер.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс