У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

11 Жнв 2015

Беларусь прапануе Пакістану навуковыя распрацоўкі ў галіне ачысткі вады і паветра

11 жніўня, Мінск /Кар. БЕЛТА/. Беларусь прапануе Пакістану навуковыя распрацоўкі ў галіне ачысткі вады і паветра. Аб гэтым паведаміў карэспандэнту БЕЛТА старшыня Дзяржаўнага камітэта па навуцы і тэхналогіях Беларусі Аляксандр Шумілін, які прымае сёння ўдзел у Беларуска-пакістанскім бізнес-форуме.

"Пакістан - гарачая краіна, дзе будуць запатрабаваны такія распрацоўкі", - лічыць Аляксандр Шумілін.

Акрамя таго, Пакістан можа зацікавіцца яшчэ адной распрацоўкай беларускіх вучоных - харчовай плёнкай. Як растлумачыў Аляксандр Шумілін, яна зроблена з крухмалу і з дапамогай фарбавальнікаў можа набываць любы колер. Яе выкарыстанне прынясе карысць і экалогіі - плёнка раскладаецца даволі хутка і не наносіць урону навакольнаму асяроддзю. "Першая партыя гэтай плёнкі ўжо адпраўлена ў Кітай, пачынаецца яе прымяненне ў Беларусі. Не выключана, што гэта распрацоўка будзе цікава і Пакістану", - адзначыў Аляксандр Шумілін.

Беларускія вучоныя таксама гатовы падзяліцца з пакістанскім бокам напрацоўкамі ў сферы медыцыны і сельскагаспадарчай тэхнікі.

Сёння на выстаўцы Беларуска-пакістанскага бізнес-форуму наша краіна прадставіць каля 150 навукова-тэхнічных распрацовак. У іх ліку навукова-тэхнічныя і інавацыйныя распрацоўкі у галіне машынабудавання, медыцыны і фармацыі, нафтахіміі, новых матэрыялаў, экалогіі і рацыянальнага прыродакарыстання, харчовай прамысловасці і касмічных тэхналогій. Нацыянальныя экспанаты, прадстаўленыя пры дапамозе натурных узораў, планшэтаў, мультымедыйных прэзентацый і рэкламных матэрыялаў, паказаны на калектыўным стэндзе Дзяржаўнага камітэта па навуцы і тэхналогіях. У рабоце навукова-тэхнічнай экспазіцыі таксама прымаюць удзел арганізацыі Міністэрства прамысловасці, Міністэрства адукацыі, Міністэрства аховы здароўя і Нацыянальнай акадэміі навук Беларусі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс