У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

17 Кст 2017

Беларусь прапануе Кубе стварыць на яе тэрыторыі цэнтр прафпадрыхтоўкі

18 кастрычніка, Сочы /Кар. БЕЛТА/. Беларусь прапануе Кубе стварыць на яе тэрыторыі цэнтр прафесійнай падрыхтоўкі. Аб гэтым 17 кастрычніка ішла размова на сустрэчы міністра адукацыі Ігара Карпенкі з міністрам вышэйшай адукацыі Кубы Хасэ Рамонам Сабарыда на палях XIX Сусветнага фестывалю моладзі і студэнтаў у Сочы, перадае карэспандэнт БЕЛТА.

Куба імпартуе беларускую тэхніку, патрэбны спецыялісты, якія будуць яе абслугоўваць. Улічваючы вялікую адлегласць паміж краінамі, накіроўваць з Кубы спецыялістаў на навучанне ў Беларусь немэтазгодна. У сувязі з гэтым Ігар Карпенка прапанаваў кубінскаму калегу стварыць пры падтрымцы Беларусі на тэрыторыі яго краіны цэнтр прафесійнай падрыхтоўкі па спецыяльнасцях, якія цікавяць. "У нас распрацаваны сучасныя вучэбна-метадычныя комплексы. Мы маем добры вопыт падрыхтоўкі майстроў вытворчага навучання і гатовы актыўна з вамі папрацаваць, каб арганізаваць навучанне на Кубе", - сказаў міністр. Размова можа ісці таксама аб перападрыхтоўцы спецыялістаў.

Хасэ Рамон Сабарыда пазітыўна паставіўся да гэтай прапановы. На яго думку, у ліку першарадных напрамкаў, якія павінны развіваць Беларусь і Куба ў сферы адукацыі, - падрыхтоўка персаналу.

Кубінскі бок запрасіў Беларусь на міжнародны кангрэс, які збярэ ў Гаване ў пачатку 2018 года міністраў адукацыі і рэктараў ВНУ з усяго свету. Ігар Карпенка падкрэсліў, што гэты візіт павінен быць максімальна насычаным канкрэтнымі мерапрыемствамі. Міністр прапанаваў, у прыватнасці, падпісаць праграму развіцця супрацоўніцтва ў сферы адукацыі, а таксама заключыць дадатковыя дагаворы паміж рэктарамі беларускіх і кубінскіх ВНУ па пытаннях, якія цікавяць абодва бакі. Пры гэтым у ліку прыярытэтных кіраўнік беларускага ведамства назваў напрамкі, якія адпавядаюць асноўным пазіцыям двухбаковага гандлёва-эканамічнага супрацоўніцтва.

У час сустрэчы міністры таксама абмеркавалі перспектывы супрацоўніцтва ў маладзёжнай палітыцы, паміж дзіцяча-юнацкімі грамадскімі аб'яднаннямі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс