У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

6 Чэр 2016

Беларусь прапануе Японіі актыўней задзейнічаць патэнцыял супрацоўніцтва ў эканоміцы

6 чэрвеня, Мінск /Кар. БЕЛТА/. Беларусь прапануе Японіі актыўней задзейнічаць патэнцыял супрацоўніцтва ў эканоміцы, заявіў сёння першы намеснік прэм'ер-міністра Васіль Мацюшэўскі на сустрэчы з паслом Японіі ў Расіі і Беларусі (па сумяшчальніцтве) Таёхісай Кадзукі, перадае карэспандэнт БЕЛТА.

Васіль Мацюшэўскі асабліва адзначыў пазітыўную дынаміку развіцця беларуска-японскіх адносін. "Сёння прыйшоў час больш актыўна задзейнічаць значны патэнцыял двухбаковага супрацоўніцтва ў эканамічнай сферы. Гэта адпавядае інтарэсам як беларускага, так і японскага боку", - лічыць ён.

Першы віцэ-прэм'ер звярнуў увагу, што беларуская эканоміка адыгрывае даволі істотную ролю на постсавецкай прасторы, маючы сучасную прамысловую базу, высокапрадукцыйную і канкурэнтаздольную сельскую гаспадарку. Акрамя таго, традыцыйна Беларусь характарызуецца высокім узроўнем адукацыі, развіцця навукі, інфармацыйных тэхналогій. "Нам вельмі хацелася б, каб Беларусь стала дастойным і надзейным партнёрам Японіі ва Усходне-Еўрапейскім рэгіёне", - сказаў Васіль Мацюшэўскі.

Беларусь зацікаўлена ў развіцці доўгатэрміновых адносін з японскімі карпарацыямі. Для патэнцыяльных інвестараў можа быць прапанаваны комплекс эканамічных ільгот. "Мы можам эфектыўна ўзаемадзейнічаць у шэрагу сфер, звязаных з лазернай тэхнікай, навукова-даследчым абсталяваннем, апаратурай для рэгістрацыі выпрамянення", - лічыць першы віцэ-прэм'ер.

Беларусь можа стаць пляцоўкай для развіцця серыі сумесных праектаў, у тым ліку з прымяненнем высокіх японскіх тэхналогій. Да таго ж Беларусь уваходзіць у склад ЕАЭС, і такое ўзаемадзеянне адкрывае для Японіі практычна 180-мільённы рынак.

Васіль Мацюшэўскі выказаў меркаванне, што сённяшняя сустрэча павінна паслужыць пачаткам шэрага сур'ёзных эканамічных ініцыятыў.

Таёхіса Кадзукі ў сваю чаргу падзякаваў за цёплы прыём у краіне і выказаў гатоўнасць актыўна супрацоўнічаць у розных сферах.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску