У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

9 Чэр 2017

Беларусь прапанавала Ізраілю прыняць удзел у стварэнні міжнароднага фінансавага цэнтра

9 чэрвеня, Мінск /Кар. БЕЛТА/. Беларусь прапанавала Ізраілю прыняць удзел у стварэнні ў рэспубліцы міжнароднага фінансавага цэнтра. Адпаведную прапанову агучыў сёння старшыня Савета Рэспублікі Міхаіл Мясніковіч на сустрэчы з віцэ-спікерам Кнесета Ізраіля, старшынёй Лігі міжпарламенцкай дружбы "Ізраіль - Беларусь" Талі Пласкоў, перадае карэспандэнт БЕЛТА.

"Мы хацелі б стварыць міжнародны фінансавы цэнтр. Гэта магло б быць вельмі актуальна. Калі б вы нам дапамаглі з рэалізацыяй гэтага праекта, мы былі б рады сумеснай рабоце", - адзначыў Міхаіл Мясніковіч.

Паводле яго слоў, у Беларусі і Ізраіля вялікі патэнцыял для паглыблення двухбаковага супрацоўніцтва ў розных сферах. Асаблівую ўвагу Міхаіл Мясніковіч удзяліў развіццю беларуска-ізраільскіх міжпарламенцкіх сувязей. "Яны паспяхова ўмацоўваюцца, і гэта ўсяляе ўпэўненасць у тым, што ў нас будуць вырашацца і палітычныя, і эканамічныя, і міжнародныя пытанні. У нашых краін добрыя перспектывы", - падкрэсліў ён.

Міхаіл Мясніковіч прапанаваў Талі Пласкоў абмеркаваць перспектывы гандлёва-эканамічнага і інвестыцыйнага супрацоўніцтва Беларусі і Ізраіля. "Мы падрыхтавалі і перадалі магчымыя для рэалізацыі інвестыцыйныя праекты", - сказаў ён. Пры гэтым, на думку старшыні Савета Рэспублікі, краінам важна пераходзіць ад гандлёвага партнёрства да стварэння сумесных прадпрыемстваў і вытворчасцей. Адным з перспектыўных напрамкаў разглядаецца супрацоўніцтва ў фармацэўтычнай галіне. У прыватнасці, Міхаіл Мясніковіч прапанаваў ізраільскаму боку абмеркаваць магчымасць стварэння сумесных прадпрыемстваў і вытворчасцей па выпуску лекавых сродкаў з далейшай арганізацыяй іх экспарту не толькі на рынак Беларусі, але і іншых краін ЕАЭС.

Таксама Беларусь зацікаўлена ў супрацоўніцтве з Ізраілем у навукова-тэхнічнай і культурнай сферах, умацаванні маладзёжных кантактаў.

У сваю чаргу Талі Пласкоў адзначыла паспяховае развіццё міжпарламенцкіх сувязей паміж краінамі і выказала ўпэўненасць у тым, што беларуска-ізраільскія кантакты будуць пашырацца ва ўсіх сферах.

Архіў
Пн Аўт Сер Чцв Пт Сб Нядз
Конкурс перакладаў раней невядомага верша Максіма Багдановіча
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску