Бізнес-навіны

Беларусь прадоўжыць дабівацца кампенсацыі $84 млн ад Orlen Lietuva - "Белнафтахім"

Фота з архiва

14 мая, Мінск /Кар. БЕЛТА/. Беларусь прадоўжыць дабівацца кампенсацыі $84 млн ад літоўскай кампаніі Orlen Lietuva за выпампаваную з літоўскага ўчастка нафтаправода "Дружба" нафту, паведаміў карэспандэнту БЕЛТА прэс-сакратар канцэрна "Белнафтахім" Аляксандр Цішчанка.

Як паведаміла агенцтва BNS, Вярхоўны суд Літвы 7 мая адмовіў у задаволенні апеляцыі аператара беларускага ўчастка "Дружбы" ААТ "Гомельтранснафта Дружба".

"Гэта рашэнне не з'яўляецца канчатковым - заканадаўства Літвы дае магчымасць звяртацца з апеляцыяй шматразова. Мы будзем прадаўжаць работу", - сказаў Аляксандр Цішчанка.

Спрэчка датычыцца тэхналагічнай нафты, якая была выпампавана Orlen Lietuva з нядзеючага літоўскага ўчастка нафтаправода "Дружба". Беларускі бок лічыць, што гэта нафта з'яўлялася яго ўласнасцю. Іск першапачаткова быў пададзены ААТ "Полацктранснафта Дружба", якое пазней было далучана да ААТ "Гомельтранснафта Дружба".

версія для друку

зрабіць стартавай

дабавіць у выбранае