VI Усебеларускі народны сход
Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

25 Сак 2019

Беларусь плануе сур'ёзна нарасціць экспарт фармпрадукцыі ва Узбекістан

Беларусь плануе сур'ёзна нарасціць экспарт фармпрадукцыі ва Узбекістан
Фота Міністэрства аховы здароўя

25 сакавіка, Мінск /Кар. БЕЛТА/. Беларусь плануе сур'ёзна нарасціць экспарт фармацэўтычнай прадукцыі на рынак Узбекістана, паведаміў журналістам міністр аховы здароўя Валерый Малашка па выніках сустрэчы з дэлегацыяй Міністэрства аховы здароўя гэтай краіны, перадае карэспандэнт БЕЛТА.

"Калі ў мінулым годзе мы паставілі фармацэўтычных прадуктаў на $2,6 млн, то па выніках гэтага візіту, я думаю, каля $4,7 млн мы атрымаем у 2019 годзе. Вельмі важна, што мы выйшлі на практыку стварэння сумесных прадпрыемстваў - гэта дае магчымасць пастаўляць паўпрадукты не толькі ва Узбекістан, але і ў трэція краіны, а гэта пашырэнне рынку збыту для нашых прадпрыемстваў", - сказаў Валерый Малашка.

Як адзначыў міністр аховы здароўя Узбекістана Алішэр Шадманаў, на сустрэчы абмяркоўваліся шляхі сумеснага партнёрства ў галіне фармацэўтычнай прамысловасці. Паводле яго слоў, беларуская фармпрадукцыя мае вялікую ўдзельную вагу на ўзбекскім рынку.

Мэтай свайго візіту ўзбекская дэлегацыя ставіла вывучыць вопыт беларускай аховы здароўя. У прыватнасці, цікавасць уяўляе, як удасканальваецца працэс кіравання аховай здароўя, аказанне першаснай і спецыялізаванай высокатэхналагічнай меддапамогі, як выбудавана работа па падрыхтоўцы, перападрыхтоўцы і павышэнні кваліфікацыі кадраў. "Беларусь сапраўды з'яўляецца лідарам у рэгіёне па ахове мацярынства і дзяцінства. Такія паказчыкі назіраюцца на працягу многіх гадоў", - дадаў Алішэр Шадманаў.

Візіт дэлегацыі Міністэрства аховы здароўя Узбекістана ў Мінск 25-28 сакавіка праходзіць у прадаўжэнне пагаднення паміж профільнымі ведамствамі дзвюх краін, падпісанага ў Ташкенце ў верасні 2018 года па выніках перагавораў Прэзідэнта Беларусі Аляксандра Лукашэнкі і Прэзідэнта Узбекістана Шаўката Мірзіёева. Запланавана наведванне вядучых РНПЦ, фармпрадпрыемстваў, а таксама Белдзяржмедуніверсітэта.-0-

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход