Бізнес-навіны

Беларусь пашырыць пастаўкі лякарстваў у М'янму: падпісаны мемарандум аб супрацоўніцтве

27 лістапада, Мінск /Кар. БЕЛТА/. У М'янму будзе ажыццяўляцца пастаўка лекавых прэпаратаў вытворчасці РУП "Белмедпрэпараты" і УП "Мінскінтэркапс". Падпісанне дакументаў у сферы фармацэўтыкі адбылося ў рамках беларуска-м'янманскага бізнес-форуму ў горадзе Янгон, паведамілі БЕЛТА ў прэс-службе Міністэрства аховы здароўя.

Паміж міністэрствам аховы здароўя дзвюх краін падпісаны мемарандум аб узаемаразуменні і супрацоўніцтве ў галіне аховы здароўя. У 2025 годзе Беларусь наведалі тры дэлегацыі з М'янмы, яны пабывалі на беларускіх фармацэўтычных прадпрыемствах і ва ўстановах аховы здароўя. Супрацоўніцтва ў галіне паставак беларускіх лекавых прэпаратаў з М'янмай вядзецца з 2018 года.

Як адзначана на форуме, паміж дзвюма краінамі наладжаны рэгулярныя міжведамасныя кантакты, развіваецца дагаворна-прававая база. У час сустрэчы на ўзроўні кіраўнікоў дзвюх дзяржаў было вызначана, што Беларусь і М'янма планамерна паглыбляюць узаемавыгадныя дружалюбныя адносіны, мэта якіх - рост дабрабыту грамадзян абедзвюх дзяржаў. Цяпер асноўная задача - падмацаванне ўзаемадзеяння на вышэйшым палітычным узроўні ў вырашэнні канкрэтных эканамічных і гуманітарных задач.

Сёння на форуме бакі абмяркоўваюць рэалізацыю розных ініцыятыў і праектаў, у тым ліку ў сферы аховы здароўя і фармацэўтыкі.

версія для друку

зрабіць стартавай

дабавіць у выбранае