У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

25 Лют 2020

Беларусь падпісала пратакол з РФ аб кампенсацыі за брудную нафту

Беларусь падпісала пратакол з РФ аб кампенсацыі за брудную нафту
Фота з архiва

25 лютага, Мінск /Кар. БЕЛТА/. Беларусь падпісала пратакол з РФ аб кампенсацыі за брудную нафту і разлічвае на кампенсацыю з разліку $15 за бараль, заявіў намеснік старшыні канцэрна "Белнафтахім" Уладзімір Сізаў, перадае карэспандэнт БЕЛТА.

"Вядзецца актыўная работа, падпісаны ўжо пратакол, што расійскі бок гатовы кампенсаваць, - сказаў Уладзімір Сізаў. - Ідзе работа, накіраваная на ўстанаўленне і пацвярджэнне тых кампенсацыйных выплат, якія ў выніку павінны будуць быць выплачаны ў адрас Мазырскага нафтаперапрацоўчага завода".

Намеснік старшыні "Белнафтахіма" адзначыў, што размова ідзе аб суме "па аналогіі з іншымі бакамі, якія былі ўцягнуты ў гісторыю з бруднай нафтай", - гэта контрагенты ў Польшчы, Чэхіі, Славакіі, Венгрыі. "З адкрытых крыніц стала вядома, што яны атрымалі кампенсацыю ў памеры $15 на бараль пастаўленай нафты з павышанай колькасцю хлорарганікі", - дадаў ён.

"Белнафтахім" 19 красавіка 2019 года заявіў аб рэзкім пагаршэнні якасці расійскай нафты Urals, якая паступае па трубаправодзе "Дружба". Колькасць хлорарганічных злучэнняў у нафце ў дзясяткі разоў перасягала гранічныя значэнні па стандарце. У выніку шэраг краін перастаў прымаць і перапрацоўваць расійскую нафту. Абодва беларускія нафтаперапрацоўчыя заводы - Мазырскі НПЗ і ААТ "Нафтан" - вымушаны былі знізіць загрузку магутнасцей і панеслі страты, урон быў нанесены і трубаправоднай сістэме.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс