2 снежня, Мінск /Кар. БЕЛТА/. Беларусь не стане ўводзіць экспартную пошліну на калійныя ўгнаенні з 2015 года. Аб гэтым сёння журналістам паведаміў міністр фінансаў Беларусі Уладзімір Амарын, перадае карэспандэнт БЕЛТА.
"Вывазная мытная пошліна на калійныя ўгнаенні з гэтага года адменена. З 2015 года яна не ўводзіцца, будзе захаваны той жа рэжым", - сказаў Уладзімір Амарын.
Нулявая стаўка вывазной мытнай пошліны на калійныя ўгнаенні была ўстаноўлена ўказам нумар 400 ад 5 верасня 2013 года для забеспячэння стабільнай работы ААТ "Беларуськалій". Першапачаткова ўказ дзейнічаў па 31 снежня 2013 года, затым перыяд дзеяння быў павялічаны да 31 сакавіка 2014 года, а пасля - да 31 снежня.
Аб'ём экспарту калійных угнаенняў у 2014 годзе запланаваны на ўзроўні 6,6 млн.т.
Пн | Аўт | Сер | Чцв | Пт | Сб | Нядз |
---|