У Беларусь без візы на 30 дзён
Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

9 Крс 2015

Беларусь мае намер павялічыць узаемны тавараабарот з Чувашыяй

9 красавіка, Мінск /Таццяна Грыгаровіч - БЕЛТА/. Беларусь разлічвае на павелічэнне аб'ёмаў узаемнага тавараабароту з Чувашыяй. Аб гэтым заявіў сёння прэм'ер-міністр Андрэй Кабякоў на сустрэчы з кіраўніком Чувашскай Рэспублікі Міхаілам Ігнацьевым, перадае карэспандэнт БЕЛТА.

Кіраўнік урада адзначыў, што Чувашская Рэспубліка з'яўляецца для Беларусі даўнім і правераным партнёрам, нягледзячы на тое, што ўзаемны тавараабарот пакуль не вельмі вялікі. На думку прэм'ера, патэнцыял бакоў пакуль рэалізаваны не ў поўнай меры. "Лічу, ваш візіт паслужыць таму, што мы значна наросцім перш за ўсё гандлёва-эканамічнае супрацоўніцтва", - сказаў ён, звяртаючыся да кіраўніка Чувашыі.

Андрэй Кабякоў агучыў шэраг патэнцыяльных напрамкаў, якія бакі маглі б рэалізоўваць больш эфектыўна. У прыватнасці, размова ідзе аб супрацоўніцтве ў сектары машынабудавання. "Гэта датычыцца перш за ўсё сельскагаспадарчай, камунальнай, дарожна-будаўнічай тэхнікі, абсталявання для вытворчасці і перапрацоўкі харчовых прадуктаў, - удакладніў прэм'ер. - Мяркую, цікавым будзе і наша станочнае абсталяванне. Мы гатовы ўдзельнічаць не толькі ў пастаўцы, але і супрацоўнічаць на кааперацыйнай аснове".

Пры гэтым беларускі бок гатовы прапанаваць розныя варыянты фінансавання, у тым ліку лізінг, ільготнае крэдытаванне і інш.

Таксама Андрэй Кабякоў агучыў прапанову аб магчымай кааперацыі холдынга "Аўтакампаненты" з машынабудаўнічымі прадпрыемствамі Чувашыі. Вялікі патэнцыял ёсць ва ўзаемадзеянні і ў аграпрамысловым комплексе, лічыць ён. "Мы гатовы ўдзельнічаць у праектаванні, узвядзенні сацыяльных інфраструктурных, вытворчых аб'ектаў, - прадоўжыў кіраўнік урада. - У нас добрая прамысловасць будаўнічых, аддзелачных матэрыялаў".

Пры гэтым прэм'ер падкрэсліў, што гэта далёка не поўны пералік магчымых напрамкаў для развіцця двухбаковага супрацоўніцтва.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі