У Беларусь без візы на 30 дзён
Афіцыйны сайт Рэспублікі Беларусь
Свята Купалле
Бізнес
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

27 Жнв 2015

Беларусь гатова пашыраць прысутнасць у Індыі за кошт стварэння СП і навукова-тэхнічных цэнтраў

27 жніўня, Мінск /Таццяна Лісатовіч - БЕЛТА/. Беларусь зацікаўлена ў пашырэнні сваёй прысутнасці ў Індыі за кошт стварэння сумесных вытворчасцей і новых навукова-тэхнічных цэнтраў у індыйскіх рэгіёнах. Аб гэтым заявіў сёння прэм'ер-міністр Андрэй Кабякоў на сустрэчы ў Мінску з Надзвычайным і Паўнамоцным Паслом Індыі ў Беларусі Маноджам Кумарам Бхарці, перадае карэспандэнт БЕЛТА.

"Мы гатовы падключацца да ініцыятыў Індыі і, перш за ўсё, да ініцыятывы "Рабі ў Індыі", прапануем стварэнне зборачных вытворчасцей трактароў, сельскагаспадарчай тэхнікі, грузавых аўтамабіляў", - адзначыў прэм'ер-міністр.

Паводле слоў кіраўніка беларускага ўрада, сёння ёсць узаемны інтарэс бакоў таксама ў супрацоўніцтве ў галіне горназдабыўной і нафтаздабыўной галін.

Андрэй Кабякоў звярнуў увагу, што многія з рэалізуемых і плануемых да рэалізацыі праектаў сёння патрабуюць асаблівай увагі і падтрымкі кіраўніцтва абедзвюх краін. У сувязі з гэтым ён запэўніў пасла: "Урад Беларусі прадоўжыць аказваць усю магчымую падтрымку і практычнае садзейнічанне паспяховай рэалізацыі ўсіх сумесных праектаў і ініцыятыў".

У цэлым у ходзе сустрэчы кіраўнік беларускага ўрада канстатаваў, што за чатыры гады з моманту назначэння Маноджа Кумара Бхарці на пасадзе пасла адбылася значная актывізацыя двухбаковага ўзаемадзеяння Беларусі і Індыі. "Нягледзячы на няпростыя падзеі, якія адбываюцца ў сусветнай эканоміцы, гандлёва-эканамічныя адносіны паміж нашымі краінамі паступальна развіваліся: з году ў год мы дабаўлялі ў аб'ёмах узаемнага гандлю", - адзначыў прэм'ер. Гэта, паводле яго слоў, сведчыць, перш за ўсё, аб тым, што эканомікі дзвюх краін узаемадапаўняльныя і ў партнёраў ёсць вельмі добрыя перспектывы. "Той узровень, які ў нас ёсць на сённяшні дзень, мае вельмі вялікі патэнцыял да росту", - упэўнены Андрэй Кабякоў.

Беларусь і Індыя даволі вялікую ўвагу ўдзяляюць рэалізацыі інвестыцыйных праектаў, адзначыў кіраўнік урада. У прыватнасці, гэта праект па рэканструкцыі Гродзенскай ЦЭЦ-2. Акрамя таго, з удзелам індыйскіх кампаній у фармацэўтычнай галіне рэалізуецца шэраг праектаў, у Парку высокіх тэхналогій адкрыты беларуска-індыйскі вучэбны цэнтр.

"Таксама я хацеў бы адзначыць, што Беларусь гатова прадаставіць Індыі стратэгічна важную пляцоўку на прасторах адзінай эканамічнай прасторы ЕАЭС", - сказаў Андрэй Кабякоў. Ён адзначыў, што першае пасяджэнне сумесна-даследчай групы, якое адбылося менш як месяц таму, стала вельмі важным крокам у збліжэнні Індыі не толькі з Беларуссю, але і з яе партнёрамі па Еўразійскім эканамічным саюзе.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс