Бізнес-навіны

Беларусь гатова актывізаваць супрацоўніцтва з В'етнамам па лічбавізацыі адмінпрацэдур

Фота з архiва

13 мая, Мінск /Кар. БЕЛТА/. Беларусь гатова актывізаваць супрацоўніцтва з В'етнамам па лічбавізацыі адміністрацыйных працэдур. Аб гэтым заявіў міністр сувязі і інфарматызацыі Кірыл Залескі ў час сустрэчы з міністрам навукі і тэхналогій В'етнама Нгуен Мань Хунгам, паведамілі БЕЛТА ў Мінсувязі.

У час сустрэчы бакі абмеркавалі перспектыўныя напрамкі супрацоўніцтва ў сферы інфармацыйна-камунікацыйных тэхналогій. Абмяняліся вопытам лічбавізацыі ў галіне тэлекамунікацый, паштовай сувязі, дзяржаўных паслуг.

Міністр сувязі і інфарматызацыі выказаў гатоўнасць актывізаваць супрацоўніцтва з в'етнамскім бокам па лічбавізацыі адміністрацыйных працэдур - адным з прыярытэтных напрамкаў развіцця В'етнама. Міністр навукі і тэхналогій В'етнама запрасіў беларускага калегу наведаць Ханой.

У мэтах пашырэння гэтых напрамкаў супрацоўніцтва ў ходзе афіцыйнага візіту дэлегацыі В'етнама ў Беларусь падпісаны мемарандум аб узаемаразуменні паміж Міністэрствам сувязі і інфарматызацыі Беларусі і Міністэрствам навукі і тэхналогій В'етнама аб супрацоўніцтве ў галіне лічбавай трансфармацыі і лічбавай эканомікі.

Дакументам прадугледжваецца абмен вопытам і супрацоўніцтва ў галіне лічбавай трансфармацыі і лічбавай эканомікі, развіццё цэнтраў лічбавых даследаванняў і распрацовак, абмен вопытам у пашырэнні інавацый, абмен ведамі, вопытам і перадавой практыкай у галіне новых лічбавых тэхналогій, такіх як штучны інтэлект і інш.

Узаемадзеянне і сумесная работа ў рамках мемарандума будуць садзейнічаць развіццю навукова-тэхналагічнага патэнцыялу дзвюх краін і пашырэнню рынку лічбавых тэхналогій.

версія для друку

зрабіць стартавай

дабавіць у выбранае