Бізнес-навіны

Беларусь дасягнула дамоўленасцей з Расіяй па аплаце энерганосьбітаў

Міхаіл Мішусцін

3 верасня, Мінск /Кар. БЕЛТА/. Беларусь дасягнула дамоўленасцей з Расіяй па аплаце энерганосьбітаў. Аб гэтым заявіў сёння старшыня ўрада Расіі Міхаіл Мішусцін на перагаворах беларускай і расійскай урадавых дэлегацый у Мінску, перадае карэспандэнт БЕЛТА.

"Хацеў бы павітаць рашэнні, якія сёння былі прыняты па нашых узаемных пытаннях, звязаных з аплатай энерганосьбітаў. Мы дасягнулі з вамі ўсіх дамоўленасцей", - адзначыў Міхаіл Мішусцін.

Аднак раскрываць сутнасць дамоўленасцей і канкрэтныя рашэнні кіраўнік расійскага ўрада не стаў. Разам з тым ён падкрэсліў, што Расія зацікаўлена ў тым, каб вывесці супрацоўніцтва з Беларуссю яшчэ на больш высокі ўзровень, напоўніць яго новым зместам, узяць лепшыя практыкі ў Расіі і Беларусі і рэалізаваць іх у галіновым узаемадзеянні.

Кіраўнік расійскага ўрада заўважыў, што ў 2019 годзе тавараабарот паміж краінамі перасягнуў $35,5 млрд. Аднак пандэмія каранавіруса ўнесла свае карэктывы ў гандаль. За студзень-чэрвень аб'ём тавараабароту знізіўся на 21 працэнт да $12,5 млрд. "Спадзяюся, што мы цяпер, калі паляпшаецца пандэмічная сітуацыя, зможам нагнаць упушчанае і вярнуцца да тых лічбаў, якія былі ў мінулым годзе", - дадаў ён.

версія для друку

зрабіць стартавай

дабавіць у выбранае