У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

31 Сак 2015

Беларусь чакае ад Кітая большай рэзультатыўнасці ў частцы ўкладання прамых інвестыцый

31 сакавіка, Мінск /Кар. БЕЛТА/. Беларусь чакае ад Кітая большай рэзультатыўнасці ў частцы ўкладання прамых інвестыцый. Аб гэтым паведаміў сёння ў час анлайн-канферэнцыі на сайце БЕЛТА намеснік міністра замежных спраў Беларусі Аляксандр Гур'янаў.

"Ад кітайскага боку мы чакаем больш сур'ёзнага прыходу і больш адчувальнай рэзультатыўнасці з пункту гледжання ўкладання прамых замежных інвестыцый", - сказаў намеснік міністра. Ён адзначыў, што для гэтага была выпрацавана і рэалізуецца ініцыятыва па стварэнні Кітайска-беларускага індустрыяльнага парка, што прадугледжвае сумеснае адміністраванне. "Мы спадзяёмся, што парк стане асновай для прыцягнення вытворчасцей вядучых кітайскіх кампаній, якія маюць сур'ёзныя напрацоўкі і будуць садзейнічаць рэалізацыі сумесных праектаў", - дадаў Аляксандр Гур'янаў.

Паводле яго слоў, асноўны лейтматыў супрацоўніцтва дзвюх краін - пераход ад простага гандлю да больш развітых форм узаемадзеяння для павелічэння ўзроўню тавараабароту. "Па 2014 годзе ў нас узаемны абарот тавараў і паслуг склаў $4 млрд, з якіх $1 млрд - беларускія экспартныя пастаўкі. Дысбаланс ёсць, але мы разумеем, што ў гэтым дысбалансе ляжыць значная доля інвестыцыйнага імпарту з Кітая", - растлумачыў намеснік кіраўніка знешнепалітычнага ведамства.

Аляксандр Гур'янаў звярнуў увагу, што на пачатку двухбаковых адносін з Кітаем ва ўзаемным гандлі ў Беларусі было дадатнае сальда. "Потым мы даволі сур'ёзна развівалі розныя крэдытныя праграмы і інвестыцыйнае супрацоўніцтва, што прывяло да фарміравання адмоўнага балансу ў гандлі паміж краінамі", - дадаў ён.

Намеснік міністра канстатаваў, што цяпер прыярытэтамі ва ўзаемадзеянні з Кітаем, калі выключыць палітыку, дзе прапісаны стратэгічны характар адносін, з'яўляюцца інвестыцыйнае супрацоўніцтва і прамысловая кааперацыя.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс