У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

9 Лют 2016

Беларусь і Вялікабрытанія плануюць актывізаваць інвестыцыйнае супрацоўніцтва

9 лютага, Мінск /Кар. БЕЛТА/. Першы намеснік міністра эканомікі Беларусі Аляксандр Забароўскі і гендырэктар па палітычных пытаннях Міністэрства замежных спраў і па справах Садружнасці Злучанага Каралеўства Вялікабрытаніі і Паўночнай Ірландыі Сайман Гас абмеркавалі сёння ў Мінску перспектывы эканамічнага і інвестыцыйнага супрацоўніцтва. Аб гэтым карэспандэнту БЕЛТА паведамілі ў прэс-службе Мінэканомікі Беларусі па выніках сустрэчы.

"Сайман Гас паведаміў аб зацікаўленасці Вялікабрытаніі ў далейшым развіцці двухбаковага гандлёвага і эканамічнага супрацоўніцтва з Беларуссю, у прыватнасці, звярнуў увагу на зацікаўленасць брытанскіх інвестыцыйных фондаў у дыверсіфікацыі сваіх інвестыцыйных партфеляў", - растлумачылі спецыялісты.

На сустрэчы Аляксандр Забароўскі адзначыў пазіцыю Вялікабрытаніі, якая не ставіць Беларусь перад геапалітычным выбарам адносна шляху развіцця паміж Еўрапейскім саюзам і Еўразійскім эканамічным саюзам. "Беларусь адыгрывае ролю моста паміж Захадам і Усходам, што, у сваю чаргу, адкрывае эканоміку краіны перад новымі магчымасцямі", - працытавалі ў прэс-службе першага намесніка міністра.

Ён таксама паведаміў аб асноўных напрамках структурнага рэфармавання беларускай эканомікі, якія будуць садзейнічаць яе ўстойлівасці, падкрэсліў важнасць для Беларусі вопыту рэфармавання эканомік Вялікабрытаніі і іншых краін ЕС.

Акрамя таго, Аляксандр Забароўскі інфармаваў брытанскі бок аб ходзе перагавораў нашай краіны з Міжнародным валютным фондам па праграме для Беларусі, аб падрыхтоўцы ААТ "Белінвестбанк" да магчымай прыватызацыі, аб перспектывах развіцця беларускай эканомікі ў складзе ЕАЭС.

Бакі абмеркавалі пытанні супрацоўніцтва з міжнароднымі арганізацыямі, у тым ліку з Еўрапейскім банкам рэканструкцыі і развіцця па фарміраванні новай стратэгіі для Беларусі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску