Бізнес-навіны

Беларусь і Валагодская вобласць абмеркавалі пашырэнне паставак транспарту і тэхнікі

Фота з архiва

29 ліпеня, Мінск /Кар. БЕЛТА/. Беларусь і Валагодская вобласць абмеркавалі пашырэнне паставак транспарту і тэхнікі. Аб гэтым паведамілі БЕЛТА ў прэс-службе канцэрна "Беллеспаперапрам".

21-е пасяджэнне сумеснай камісіі па развіцці супрацоўніцтва Валагодскай вобласці і Беларусі прайшло 29 ліпеня. Удзел у мерапрыемстве праходзіў як у вочным, так і ў дыстанцыйным фарматах. Згодна з пастановай Савета Міністраў канцэрн "Беллеспаперапрам" адказны за развіццё супрацоўніцтва з гэтым рэгіёнам Расіі. Пасяджэнне прайшло пад кіраўніцтвам старшыні канцэрна "Беллеспаперапрам" Аляксандра Пшоннага і старшыні ўрада Валагодскай вобласці Аляксандра Мардвінава. У сустрэчы прынялі ўдзел прадстаўнікі дзяржаўных органаў, прадпрыемстваў і арганізацый двух бакоў, генеральны консул Рэспублікі Беларусь у Санкт-Пецярбургу Мікалай Рагожнік.

У час пасяджэння прааналізаваны вынікі гандлёва-эканамічнага супрацоўніцтва, намечаны перспектывы ўзаемадзеяння ў сферы прамысловага комплексу і гуманітарнай сферы. У прыватнасці, абмеркаваны пытанні паставак аўтатрактарнай і камунальнай тэхнікі, гарадскога транспарту, узаемадзеянне ў сферы забеспячэння пажарнай бяспекі, аграпрамысловага комплексу, культуры. Па выніках пасяджэння падпісаны пратакол.

Як адзначыў Аляксандр Пшонны, у аснове супрацоўніцтва закладзена пагадненне паміж урадамі Беларусі і Валагодскай вобласці аб гандлёва-эканамічным, навукова-тэхнічным і культурным супрацоўніцтве ад 20 верасня 2006 года. За гады дзеяння пагаднення ўзаемны тавараабарот істотна вырас: з 2007 па 2025 год ён павялічыўся на 160%. "Гэта добры вынік нашай сумеснай работы", - рэзюмаваў кіраўнік канцэрна.

версія для друку

зрабіць стартавай

дабавіць у выбранае