У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

9 Жнв 2018

Беларусь і Узбекістан зацікаўлены развіваць супрацоўніцтва ў тэкстыльнай галіне

9 жніўня, Мінск /Кар. БЕЛТА/. Беларусь і Узбекістан зацікаўлены развіваць супрацоўніцтва ў тэкстыльнай галіне. Аб гэтым ішла размова ў час рабочай сустрэчы старшыні канцэрна "Беллегпрам" Мікалая Яфімчыка з хакімам (губернатарам) Ташкенцкай вобласці Узбекістана Гуламжонам Ібрагімавым, паведамляе БЕЛТА са спасылкай на сайт канцэрна.

У складзе ўзбекскай дэлегацыі былі таксама Надзвычайны і Паўнамоцны Пасол Узбекістана ў Беларусі Насірджан Юсупаў, консул пасольства Узбекістана ў Беларусі Хаджы Акбар. "Удзельнікі рабочай сустрэчы праявілі зацікаўленасць у развіцці супрацоўніцтва ў тэкстыльнай і гарбарна-абутковай галінах прадпрыемстваў канцэрна "Беллегпрам" і Узбекістана", - гаворыцца ў паведамленні.

Па выніках рабочай сустрэчы падпісаны пратакол аб намерах паміж "Беллегпрамам" і Ташкенцкай вобласцю Узбекістана.

Прадпрыемствы беларускага канцэрна экспартуюць ва Узбекістан у асноўным швейныя і трыкатажныя вырабы, палотны з цэлюлозных валокнаў, штучныя і сінтэтычныя тканіны, трыкатажныя палотны, тэкстыльную галантарэю. Аснову імпарту складаюць бавоўнавая пража, баваўнянае валакно і трыкатажныя баваўняныя палотны.

Архіў
Пн Аўт Сер Чцв Пт Сб Нядз
Конкурс перакладаў раней невядомага верша Максіма Багдановіча
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску