Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

6 Лют 2020

Беларусь і Украіна будуць выконваць аўтаперавозкі на бездазвольнай аснове

Беларусь і Украіна будуць выконваць аўтаперавозкі на бездазвольнай аснове
Аляксей Аўраменка. Фота з архіва

6 лютага, Мінск /Юлія Неманкова - БЕЛТА/. Беларусь і Украіна падпісалі пратакол аб унясенні змяненняў і дапаўненняў у двухбаковае міжурадавае пагадненне ад 17 снежня 1992 года, якое прадугледжвае поўную лібералізацыю аўтамабільных перавозак. Подпісы пад дакументам паставілі сёння міністр транспарту і камунікацый Беларусі Аляксей Аўраменка і міністр інфраструктуры Украіны Уладзіслаў Крыклій, перадае карэспандэнт БЕЛТА.

"Украіна стала трэцяй краінай, з якой мы падпісалі бездазвольную сістэму. Спадзяюся, што ўжо ў красавіку на сесіі дэпутаты разгледзяць адпаведны праект закона аб ратыфікацыі гэтага пратакола", - сказаў Аляксей Аўраменка.

У сваю чаргу Уладзіслаў Крыклій падкрэсліў, што да мая лібералізацыя аўтаперавозак павінна пачаць працаваць. "Законапраект павінна ратыфікаваць Вярхоўная рада. Я хацеў бы, каб у лютым-сакавіку гэта пытанне было ўключана ў парадак дня", - дадаў ён.

У час сустрэчы бакі таксама абмеркавалі пытанні двухбаковага супрацоўніцтва ў сферах воднага, чыгуначнага транспарту і авіяцыі. У прыватнасці, Дэпартаментам па авіяцыі Беларусі і Дзяржаўнай авіяцыйнай службай Украіны было парафіравана рабочае пагадненне аб супрацоўніцтве ў сферы лётнай прыдатнасці. Дакумент нацэлены на спрашчэнне працэдур прызнання авіяцыйнымі ўладамі сертыфікацыйных дакументаў, якія выдаюцца на экспартуемую грамадзянскую авіяцыйную тэхніку.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі