Афіцыйны сайт Рэспублікі Беларусь
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

27 Сак 2015

Беларусь і Турцыя пашыраць узаемадзеянне ў сферы прадпрымальніцтва

27 сакавіка, Мінск /Кар. БЕЛТА/. Беларусь і Турцыя пашыраць узаемадзеянне ў сферы прадпрымальніцтва. Аб гэтым ішла размова на сустрэчы намесніка міністра эканомікі Беларусі Ірыны Касцевіч з прэзідэнтам Арганізацыі па развіцці і падтрымцы малога і сярэдняга прадпрымальніцтва Турцыі (KOSGEB) Рэджэпам Бічэрам, паведамілі БЕЛТА ў прэс-службе Мінэканомікі.

У час сустрэчы ўдзельнікі абмеркавалі асноўныя напрамкі беларуска-турэцкага супрацоўніцтва ў сферы малога і сярэдняга прадпрымальніцтва. Турэцкі бок азнаёмлены з умовамі вядзення бізнесу ў Беларусі, інвестыцыйным кліматам, аказаннем фінансавай падтрымкі суб'ектам малога прадпрымальніцтва, дзейнасцю суб'ектаў інфраструктуры падтрымкі прадпрымальніцтва.

Таксама ў час сустрэчы адбылося 2-е пасяджэнне сумеснай беларуска-турэцкай рабочай групы па развіцці і падтрымцы малога і сярэдняга прадпрымальніцтва. Па яго выніках дасягнута дамоўленасць аб далейшым эфектыўным узаемадзеянні дзвюх краін.

Арганізацыя па развіцці і падтрымцы малога і сярэдняга прадпрымальніцтва Турцыі была створана ў 1990 годзе на ўмовах бюджэтнага фінансавання. Гэта адзіная дзяржаўная ўстанова ў краіне па развіцці і падтрымцы малога і сярэдняга прадпрымальніцтва. Арганізацыя мае статус юрыдычнай асобы, з'яўляецца незалежнай, узаемадзейнічае з Міністэрствам навукі, прамысловасці і тэхналогій Турцыі. Уся дзейнасць арганізацыі распрацоўваецца ў адпаведнасці з эканамічнай палітыкай краіны.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі