У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

9 Ліп 2018

Беларусь і Турцыя да канца года разлічваюць выйсці на тавараабарот $1 млрд

9 ліпеня, Мінск /Уладзімір Мацвееў - БЕЛТА/. Беларусь і Турцыя да канца года разлічваюць выйсці на тавараабарот $1 млрд. Аб гэтым сёння ішла размова ў Анкары на сустрэчы старшыні Савета Рэспублікі Нацыянальнага сходу Беларусі Міхаіла Мясніковіча з кіраўніком турэцкага ўрада Біналі Йылдырымам, паведамілі БЕЛТА ў пасольстве Беларусі ў Турцыі.

Міхаіл Мясніковіч вітаў вынікі праведзеных у Турцыі выбараў і адзначыў, што кіраўнік беларускай дзяржавы Аляксандр Лукашэнка быў у ліку першых замежных лідараў, якія накіравалі віншавальнае пасланне Рэджэпу Таіпу Эрдагану.

Старшыня Савета Рэспублікі таксама выказаў удзячнасць Біналі Йылдырыму за асабісты ўклад у развіццё беларуска-турэцкіх адносін, заўважыўшы, што цяперашняя сустрэча ўжо трэцяя на працягу гэтага года, што сведчыць аб высокай дынаміцы ў развіцці адносін, якую неабходна і ў далейшым захоўваць.

У сваю чаргу кіраўнік турэцкага ўрада з цеплынёй успомніў свой візіт у Беларусь і пацвердзіў дружалюбны характар адносін, якія маюць стратэгічны патэнцыял. Біналі Йылдырым, у прыватнасці, адзначыў развіццё гандлёвых адносін і перспектыву выхаду на аб'ём $1 млрд у двухбаковым тавараабароце да канца года, а таксама добрыя ўмовы для турэцкага бізнесу па інвесціраванні на тэрыторыі Беларусі.

Як паведамлялася БЕЛТА, кандыдатура Біналі Йылдырыма вылучана на пасаду новага спікера парламента, выбары якога павінны адбыцца ўжо 13 ліпеня. Пасада прэм'ер-міністра, згодна з унесенымі ў Канстытуцыю папраўкамі, будзе скасавана. Біналі Йылдырым на сустрэчы з Міхаілам Мясніковічам падкрэсліў, што незалежна ад займаемай пасады ён і далей будзе прыкладаць намаганні па падтрыманні і развіцці дружалюбных адносін з Беларуссю. Ён таксама адзначыў, што ў Турцыі ў пачатку наступнага года чакаюць з візітам кіраўніка беларускай дзяржавы.

Раней у Анкары Міхаіл Мясніковіч таксама правёў сустрэчу з выконваючым абавязкі спікера парламента Турцыі Ісмаілам Кахраманам, бакі абмеркавалі развіццё міжпарламенцкага супрацоўніцтва.

Старшыня Савета Рэспублікі Нацыянальнага сходу знаходзіцца ў Турцыі на чале беларускай дэлегацыі для ўдзелу ў цырымоніі інаўгурацыі Прэзідэнта Турцыі Рэджэпа Таіпа Эрдагана.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс