Бізнес-навіны
Беларусь і Цюменская вобласць у 2016-2018 гадах рэалізуюць сумесныя праекты ў галіне кааперацыі
9 жніўня, Мінск /Кар. БЕЛТА/. Беларусь і Цюменская вобласць Расіі ў 2016-2018 гадах рэалізуюць сумесныя праекты ў галіне кааперацыі, паведамілі карэспандэнту БЕЛТА ў прэс-службе Міністэрства энергетыкі Беларусі.
Беларуская дэлегацыя на чале з міністрам энергетыкі Уладзімірам Патупчыкам наведае Цюменскую вобласць з 10 па 13 жніўня. Запланаваны сустрэчы з губернатарам Цюменскай вобласці Уладзімірам Якушавым, кіраўніком адміністрацыі Цюмені Аляксандрам Моарам.
У ходзе візіту чакаецца падпісанне плана мерапрыемстваў па рэалізацыі пагаднення паміж урадамі Цюменскай вобласці і Беларусі аб супрацоўніцтве ў гандлёва-эканамічнай, навукова-тэхнічнай і культурнай сферах на 2016-2018 гады.
План уключае канкрэтныя мерапрыемствы для развіцця і актывізацыі супрацоўніцтва па шэрагу напрамкаў, у тым ліку ў частцы рэалізацыі сумесных праектаў у галіне кааперацыі. Гэтыя праекты прадугледжваюць удзел беларускіх прадпрыемстваў у рэалізуемых у рэгіёне праграмах імпартазамяшчэння, мадэрнізацыі аграпрамысловага сектара рэгіёна, праграмах у галіне ЖКГ, будаўніцтва і развіцця інфраструктуры.
Плануецца таксама абмеркаваць у час візіту канкрэтныя механізмы і схемы ўзаемадзеяння ў сферы гандлю, прамысловасці, сельскай гаспадаркі, ЖКГ, энергетыкі.
версія для друку
зрабіць стартавай
дабавіць у выбранае