У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

28 Май 2019

Беларусь і Таджыкістан зацікаўлены ў стварэнні сумесных вытворчасцей

Беларусь і Таджыкістан зацікаўлены ў стварэнні сумесных вытворчасцей

28 мая, Мінск /Кар. БЕЛТА/. Беларусь і Таджыкістан зацікаўлены ў стварэнні сумесных вытворчасцей. Размова аб гэтым ішла на сустрэчы намесніка старшыні Палаты прадстаўнікоў Баляслава Пірштука з парламенцкай дэлегацыяй Таджыкістана, перадае карэспандэнт БЕЛТА.

Баляслаў Пірштук прапанаваў абмеркаваць перспектывы стварэння сумесных вытворчасцей прадпрыемстваў па зборцы тэхнікі, у тым ліку сельскагаспадарчай. Намеснік старшыні Камітэта Маджлісі намаяндагон Маджлісі Олі (ніжняй палаты парламента) па навуцы, адукацыі, культуры і маладзёжнай палітыцы, кіраўнік групы дружбы і супрацоўніцтва з Палатай прадстаўнікоў Нуруло Акілзада падтрымаў беларускага калегу і выказаў упэўненасць, што краінам трэба і далей пашыраць супрацоўніцтва ў сферы стварэння сумесных вытворчасцей. Ён праінфармаваў, што ў Таджыкістане ўжо збіраюць беларускія трактары, мэблю.

Узаемны тавараабарот Беларусі і Таджыкістана па выніках 2018 года склаў каля $40 млн. "Гэта сціпла для краін з такім патэнцыялам", - упэўнены Баляслаў Пірштук. На яго думку, парламентарыі павінны прыкладаць усе намаганні для росту гэтага паказчыка, і развіццё эканамічнага ўзаемадзеяння паслужыць асновай для ўмацавання гуманітарных кантактаў.

Бакі адзначылі вялікі патэнцыял двухбаковага супрацоўніцтва ў розных сферах і напрамках. Тон яму задаюць лідары Беларусі і Таджыкістана, ствараючы трывалы фундамент для ўзаемадзеяння. "Беларусь для Таджыкістана - стратэгічны партнёр. Ва ўсіх сферах у нас год за годам умацоўваецца супрацоўніцтва", - падкрэсліў Нуруло Акілзада.

У час сустрэчы абмяркоўваліся перспектывы супрацоўніцтва ў сферы адукацыі, а таксама ўмацавання кантактаў паміж рэгіёнамі. Парламентарыі адзначылі высокі ўзровень узаемадзеяння на такіх міжнародных пляцоўках, як ПА АБСЕ, ПА АДКБ, МПА СНД, і гарантавалі адзін аднаму падтрымку ў далейшым.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску