У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

13 Сак 2019

Беларусь і Славакія правядуць бізнес-форум у Мінску ў кастрычніку

Беларусь і Славакія правядуць бізнес-форум у Мінску ў кастрычніку
Фота МЗС

13 сакавіка, Мінск /Кар. БЕЛТА/. Беларусь і Славакія правядуць бізнес-форум у Мінску ў кастрычніку. Гэта пытанне абмяркоўвалася ў час візіту намесніка міністра замежных спраў Беларусі, сустаршыні беларуска-славацкай сумеснай камісіі па гандлёва-эканамічным і навукова-тэхнічным супрацоўніцтве Яўгена Шэстакова ў Славакію 12-13 сакавіка, паведамілі БЕЛТА ў прэс-службе МЗС Беларусі.

Яўген Шэстакоў сустрэўся з дзяржаўным сакратаром Міністэрства эканомікі Славакіі, сустаршынёй славацкай часткі камісіі Расціславам Хованцам. Субяседнікі абмеркавалі ход рэалізацыі сумесных праектаў, выкананне рашэнняў папярэдняга пасяджэння камісіі, а таксама ўзгаднілі правядзенне яе чарговага пасяджэння і двухбаковага бізнес-форуму ў Мінску ў кастрычніку.

Намеснік міністра замежных спраў Беларусі таксама правёў сустрэчу з дзяржаўным сакратаром Міністэрства адукацыі, навукі, даследаванняў і спорту Славакіі, сустаршынёй сумеснай міжурадавай беларуска-славацкай камісіі па супрацоўніцтве ў галіне навукі і тэхналогій Вольгай Нахтманавай. Абмяркоўваліся пытанні правядзення першага конкурсу сумесных навуковых і інавацыйных праектаў, а таксама ход узгаднення праекта двухбаковага міжурадавага пагаднення аб супрацоўніцтве ў сферы вышэйшай і паслявузаўскай адукацыі.

У час сустрэчы з генеральным сакратаром Міністэрства замежных і еўрапейскіх спраў Славакіі Паўлам Сікорчыным адбыўся абмен думкамі па пытаннях, якія ўяўляюць узаемную цікавасць. Яўген Шэстакоў таксама сустрэўся з ганаровым консулам Беларусі ў Славакіі Мар'янам Мурыным.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс