У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

25 Май 2016

Беларусь і Рэспубліка Карэя актывізуюць супрацоўніцтва ў ІКТ

25 мая, Мінск /Кар. БЕЛТА/. Беларусь і Рэспубліка Карэя актывізуюць супрацоўніцтва ў сферы інфармацыйна-камунікацыйных тэхналогій. Аб гэтым БЕЛТА паведамілі ў прэс-службе МЗС Беларусі па выніках сустрэчы кіраўніка знешнепалітычнага ведамства Уладзіміра Макея з намеснікам міністра замежных спраў Рэспублікі Карэя па эканамічных пытаннях Лі Тхэ Хо.

На сустрэчы адбылося абмеркаванне шырокага спектра пытанняў двухбаковых адносін. "Бакі пацвердзілі зацікаўленасць у развіцці гандлёва-эканамічнага і інвестыцыйнага супрацоўніцтва, актывізацыі ўзаемадзеяння ў галіне інфармацыйна-камунікацыйных тэхналогій, пашырэння дзелавых кантактаў паміж краінамі", - адзначылі ў прэс-службе.

Лі Тхэ Хо прыбыў у Мінск для ўдзелу 25 мая ў чацвёртым пасяджэнні сумеснага камітэта Беларусі і Рэспублікі Карэя па эканамічным, навуковым і тэхнічным супрацоўніцтве. Беларускі бок на пасяджэнні будзе прадстаўлены намеснікам міністра замежных спраў Валянцінам Рыбаковым. "Бакі абмяркуюць актуальныя пытанні ўзаемадзеяння з акцэнтам на развіццё гандлёва-эканамічнай і навукова-тэхнічнай кааперацыі", - расказалі ў МЗС.

Акрамя пасяджэння сумеснага камітэта і сустрэч у МЗС Беларусі праграмай знаходжання карэйскай дэлегацыі запланавана наведванне Парка высокіх тэхналогій, Кітайска-беларускага індустрыяльнага парка "Вялікі камень" і ТАА "Палімайстар", што вырабляе вымяральныя прыборы радыяцыйнага кантролю.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс