У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

7 Ліп 2018

Беларусь і Расія да 1 жніўня распрацуюць дарожную карту паэтапнага зніжэння тарыфаў роўмінгу

7 ліпеня, Мінск /Кар. БЕЛТА/. Беларусь і Расія плануюць да 1 жніўня распрацаваць дарожную карту паэтапнага зніжэння тарыфаў на паслугі роўмінгу паміж аператарамі сувязі дзвюх краін. Такая дамоўленасць дасягнута па выніках беларуска-расійскіх міжведамасных перагавораў па пытаннях развіцця супрацоўніцтва ў галіне электрасувязі. Адпаведная інфармацыя размешчана на сайце Міністэрства сувязі і інфарматызацыі Беларусі, паведамляе БЕЛТА.

У час перагавораў абмяркоўваліся актуальныя пытанні беларуска-расійскага супрацоўніцтва ў галіне сувязі, у тым ліку якія датычацца развіцця ўзаемадзеяння ў сферы транзіту праз тэрыторыю Беларусі міжнароднага тэлефоннага трафіка, што перадаецца паміж Расіяй і ЕС.

Таксама разглядаліся пытанні далейшай гарманізацыі структуры адносін беларускіх і расійскіх аператараў сувязі з мэтай павышэння даступнасці паслуг роўмінгу на тэрыторыі Саюзнай дзяржавы. Па выніках перагавораў бакі дасягнулі дамоўленасці аб распрацоўцы да 1 жніўня дарожнай карты паэтапнага зніжэння тарыфаў на паслугі роўмінгу паміж беларускімі і расійскімі аператарамі сувязі.

Таксама ўдзельнікі сустрэчы дамовіліся аб правядзенні 10 жніўня ў Смаленску сумеснага пасяджэння калегій Міністэрства сувязі і інфарматызацыі Беларусі і Міністэрства лічбавага развіцця, сувязі і масавых камунікацый Расіі для далейшага абмеркавання актуальных пытанняў супрацоўніцтва.

Беларускую дэлегацыю ўзначаліў міністр сувязі і інфарматызацыі Сяргей Папкоў, расійскую - міністр лічбавага развіцця, сувязі і масавых камунікацый Канстанцін Наскоў. У перагаворах удзельнічалі аператары сотавай рухомай электрасувязі дзвюх краін.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску