У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

4 Ліп 2018

Беларусь і Расія актуалізуюць дарожную карту па зняцці абмежаванняў на пастаўкі

4 ліпеня, Мінск /Кар. БЕЛТА/. Беларусь і Расія актуалізуюць дарожную карту па працэдуры зняцця ўзаемных абмежавальных мер па пастаўках малочнай прадукцыі на 2018 год, паведамілі карэспандэнту БЕЛТА ў прэс-службе Міністэрства сельскай гаспадаркі і харчавання.

Міністр сельскай гаспадаркі і харчавання Беларусі Леанід Заяц 2 ліпеня правёў перагаворы з міністрам сельскай гаспадаркі Расіі Дзмітрыем Патрушавым. На парадку дня былі пытанні зняцця абмежаванняў па пастаўках малака і малочнай прадукцыі. "Міністры абмеркавалі выкананне дарожнай карты па працэдуры зняцця ўзаемных абмежавальных мер па пастаўках малочнай прадукцыі на 2018 год. Бакі дамовіліся ў бліжэйшы час актуалізаваць дарожную карту", - сказалі ў прэс-службе.

Акрамя таго, у час перагавораў абмяркоўваліся прагнозныя балансы попыту і прапанавання Саюзнай дзяржавы па мясе, малаку і цукру, а таксама інтэграцыя беларускай інфармацыйнай сістэмы "AITS-прасочвальнасць" з расійскай інфармацыйнай сістэмай "Меркурый". Бакі склалі і падпісалі план работ па абмене электроннымі ветэрынарнымі суправаджальнымі дакументамі паміж кампанентамі беларускай і расійскай сістэм прасочвальнасці.

Як паведамлялася, Рассельгаснагляд адмяніў забарону на пастаўкі беларускай малочнай прадукцыі ў тары больш за 2,5 л і зацвердзіў пералік пастаўшчыкоў. У спіс прадпрыемстваў, уключаных у дарожную карту і маючых права паставак у Расію, трапілі ААТ "Баранавіцкі малочны камбінат", СААТ "Ляхавіцкі малочны завод", Ваўкавыскае ААТ "Беллакт", КВУП "Мазырскія малочныя прадукты", ААТ "Тураўскі малочны камбінат" і ААТ "Лідскі малочнакансервавы камбінат".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску