Бізнес-навіны

Беларусь і Ірак рыхтуюцца да пасяджэння сумеснай камісіі па гандлёва-эканамічным супрацоўніцтве

17 верасня, Мінск /Кар. БЕЛТА/. Намеснік міністра замежных спраў Беларусі Мікалай Барысевіч сустрэўся з Надзвычайным і Паўнамоцным Паслом Рэспублікі Ірак у Расійскай Федэрацыі і Рэспубліцы Беларусь (па сумяшчальніцтве) Абдулрахманам Хамідам Махамедам аль-Хусайні. Аб гэтым БЕЛТА паведамілі ў прэс-службе МЗС.

Бакі абмеркавалі рэалізацыю дамоўленасцей, дасягнутых падчас палітычных кансультацый паміж міністэрствамі замежных спраў Беларусі і Ірака ў Багдадзе ў чэрвені 2021 года.

Асаблівая ўвага была ўдзелена падрыхтоўцы чарговага пасяджэння сумеснай беларуска-іракскай камісіі па гандлёва-эканамічным супрацоўніцтве, а таксама арганізацыі візітаў у Беларусь кіраўнікоў іракскіх міністэрстваў і кампаній для прапрацоўкі канкрэтных двухбаковых праектаў.

Абмеркаваны таксама пытанні ўзаемадзеяння дзвюх краін у адукацыйнай і гуманітарнай сферах.

версія для друку

зрабіць стартавай

дабавіць у выбранае