Еўрапейскія гульні-2019 у Мінску
Афіцыйны сайт Рэспублікі Беларусь
Свята Купалле
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

16 Ліс 2016

Беларусь і Пскоўская вобласць паказваюць прыкметны рост тавараабароту па некаторых пазіцыях

16 лістапада, Мінск /Юлія Огнева - БЕЛТА/. Беларусь і Пскоўская вобласць паказваюць прыкметны рост тавараабароту па некаторых пазіцыях. Аб перспектывах супрацоўніцтва ў розных сферах ішла размова на перагаворах беларускай дэлегацыі на чале з намеснікам прэм'ер-міністра Анатолем Калініным з губернатарам Пскоўскай вобласці Андрэем Турчаком, паведаміла карэспандэнту БЕЛТА прэс-сакратар Міністэрства архітэктуры і будаўніцтва Беларусі Яўгенія Філімонава.

Паводле яе слоў, на сустрэчы абмяркоўваўся шырокі спектр пытанняў: па рэалізацыі сумесных будаўнічых праектаў, пастаўках грузавой, пасажырскай і сельскагаспадарчай тэхнікі, супрацоўніцтве ў сферы прамысловасці і вытворчай кааперацыі.

Аналізуючы вынікі сумесна праведзенай работы, Андрэй Турчак канстатаваў, што тавараабарот паміж Беларуссю і Пскоўскай вобласцю па шэрагу пазіцый прыкметна ўзрос. Сярод напрамкаў, якія дэманструюць дадатную дынаміку, ён вылучыў сектар будаўнічых матэрыялаў. Дадатная дынаміка назіраецца і ў сельскай гаспадарцы. "Гэта прыклад нашага якаснага супрацоўніцтва, на падставе якога і астатнія сектары павінны развівацца", - падкрэсліў Андрэй Турчак.

Па выніках сустрэчы былі дадзены канкрэтныя даручэнні прадстаўнікам ведамстваў і прадпрыемстваў беларускага і расійскага бакоў. Іх выкананне ўзята на кантроль губернатарам Пскоўскай вобласці і віцэ-прэм'ерам Беларусі. У прыватнасці, даручана прапрацаваць пытанне авіязносін паміж вобласцю і Беларуссю.

У студзені-верасні 2016 года тавараабарот Беларусі з Пскоўскай вобласцю склаў $73,7 млн, што на 4,3 працэнта больш, чым за аналагічны мінулагодні перыяд. Экспарт перавысіў $56 млн і павялічыўся на 26 працэнтаў, імпарт склаў $17,5 млн і скараціўся на 32,8 працэнта. Сальда дадатнае - $38,7 млн.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс