У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

10 Ліс 2015

Беларусь і Пакістан падпісалі дарожную карту супрацоўніцтва на 2015-2020 гады

10 лістапада, Ісламабад /Юлія Огнева - БЕЛТА/. Беларусь і Пакістан падпісалі дарожную карту двухбаковага супрацоўніцтва на перыяд 2015-2020 гадоў. Подпісы пад дакументам паставілі прэм'ер-міністры дзвюх краін Андрэй Кабякоў і Наваз Шарыф, перадае карэспандэнт БЕЛТА.

"Гэта той дакумент, які адпавядае інтарэсам Беларусі і Пакістана ў сферах палітыкі, эканомікі і дасць магчымасць вывесці тавараабарот на якасна новы ўзровень", - адзначыў Андрэй Кабякоў пасля падпісання дакумента. Ён канстатаваў, што Беларусь акажа падтрымку пакістанскаму боку ў ініцыіраванні перагавораў па пагадненні аб зоне свабоднага гандлю з Еўразійскім эканамічным саюзам.

Таксама Андрэй Кабякоў заявіў, што будзе праведзена аптымізацыя структуры двухбаковага гандлю. "Прадугледжваецца павелічэнне тавараабароту на прынцыпах узаемнай выгады і збалансаванага гандлю для ўсебаковага і ўстойлівага эканамічнага развіцця бакоў", - сказаў кіраўнік беларускага ўрада.

Паводле яго слоў, дарожнай картай прадугледжана стварэнне сумесных прадпрыемстваў і зборачных вытворчасцей беларускіх трактароў і аўтамабільнай тэхнікі ў Пакістане. Таксама будуць прапрацоўвацца пытанні пастаўкі сельскагаспадарчай, дарожна-будаўнічай і кар'ернай тэхнікі.

"Будуць рэалізаваны сумесныя праекты ў галіне сельскай гаспадаркі і харчавання. Таксама актыўна будзе развівацца ўзаемадзеянне ў тэкстыльнай прамысловасці", - адзначыў Андрэй Кабякоў. Паводле слоў прэм'ер-міністра, у прыватнасці, размова ідзе аб стварэнні сумесных вытворчасцей на тэрыторыі Беларусі і Пакістана для далейшых паставак вырабленай прадукцыі як на беларускім і пакістанскім рынках, так і на рынках краін ЕАЭС.

Як паведамілі БЕЛТА ў БелГПП, валавы ўнутраны прадукт Пакістана ў 2014-2015 фінансавым годзе (лічыцца з 1 ліпеня бягучага года па 30 чэрвеня наступнага каляндарнага года) вырас на 4,24 працэнта. Экспарт склаў $23,15 млрд ($5,07 млрд у 2013-2014 фінансавым годзе), імпарт дасягнуў $44,67 млрд ($41,63 млрд).

Афіцыйны візіт прэм'ер-міністра Беларусі Андрэя Кабякова ў Ісламскую Рэспубліку Пакістан праходзіць 9-11 лістапада. Чакаецца, што сёння адбудуцца сустрэчы кіраўніка беларускага ўрада з прэзідэнтам і прэм'ер-міністрам Пакістана. Таксама запланавана правядзенне беларуска-пакістанскага бізнес-форуму. Яшчэ ў праграме візіту - адкрыццё Цэнтра беларускай культуры ў Нацыянальнай бібліятэцы Пакістана.

Пасля афіцыйнага візіту ў Ісламскую Рэспубліку Пакістан Андрэй Кабякоў 11-12 лістапада наведае з рабочым візітам Турэцкую Рэспубліку. Прадугледжваецца сустрэча прэм'ер-міністра Беларусі з кіраўніцтвам Турцыі, а таксама топ-менеджарамі турэцкіх кампаній.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску