У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Бізнес
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

7 Крс 2016

Беларусь і Ніжагародская вобласць плануюць выйсці на тавараабарот $1 млрд

7 красавіка, Мінск /Юлія Огнева - БЕЛТА/. Беларусь і Ніжагародская вобласць плануюць выйсці на тавараабарот $1 млрд, паведамілі карэспандэнту БЕЛТА ў прэс-службе беларускага ўрада па выніках чатырнаццатага пасяджэння Савета дзелавога супрацоўніцтва Беларусі і Ніжагародскай вобласці, якое адбылося ў Ніжнім Ноўгарадзе.

"Адна з задач на бліжэйшую пяцігодку - выйсці на мільярд долараў па тавараабароце паміж Ніжагародскай вобласцю і Беларуссю", - адзначыў намеснік прэм'ер-міністра Беларусі Уладзімір Сямашка, які прымаў удзел у пасяджэнні савета. Паводле яго слоў, падпісаны шэраг дакументаў, што датычацца супрацоўніцтва ў розных сферах - эканоміцы, палітыцы і гуманітарнага складніка.

Так, дасягнута пагадненне аб пастаўцы ацэтылцыянгідрыду з беларускага ААТ "Нафтан" на прадпрыемства ТАА "ММА" ў Дзяржынску, якое будзе вырабляць метылметакрылат, неабходны для вытворчасці арганічнага шкла. Таксама падпісаны кантракт паміж ТАА "Ніжагародліфтмаш" і ААТ "Магілёўліфтмаш" на пастаўку 131 ліфта ў Беларусь.

Уладзімір Сямашка адзначыў, што ў час свайго візіту паспеў азнаёміцца з рознымі ніжагародскімі прадпрыемствамі, у тым ліку наведаў два, на яго думку, знакавыя заводы: "Група ГАЗ" і "Ніжагародскі завод 70-годдзя Перамогі".

"Я канстатаваў, што ГАЗ увайшоў у сваю нішу на рынку аўтамабіляў і атрымаў поспех у нішы лёгкіх грузавых аўтамабіляў, аўтобусаў. За апошнія два гады яны многае напрацавалі, з'явіліся новыя мадэлі, гэта паўплывала на вынікі продажаў, фінансы. Таксама я наведаў завод, які адкрываў прэзідэнт Уладзімір Пуцін. Скажу, што я такіх заводаў яшчэ не бачыў. Ён па сваім узроўні аснашчэння ў шмат разоў пераўзыходзіць аналагічны ў Кітаі, які я наведаў на мінулым тыдні", - сказаў Уладзімір Сямашка.

Паводле яго слоў, ёсць дамоўленасць з кіраўніцтвам "Групы ГАЗ" аб тым, што ў бліжэйшыя два гады будзе рэалізавана сумесная праграма па аўтакампанентах.

"На жаль, мы канстатавалі, што не дасягнулі той задачы, якую ставілі перад мінулай пяцігодкай - выйсці на $1 млрд. Тавараабарот паміж вобласцю і рэспублікай выходзіў ужо амаль на $750 млн, а ў мінулым годзе знізіўся да $500 млн. Таму ў нас ёсць задача, якую трэба вырашыць, трэба выйсці на мільярд", - сказаў Уладзімір Сямашка.

У сваю чаргу намеснік губернатара Ніжагародскай вобласці Яўген Люлін падкрэсліў, што на працягу двух дзён дзякуючы актыўнай пазіцыі беларускіх калег, якія прыехалі і адразу ўключыліся ў работу, бакі паспелі шмат абмеркаваць, правялі двухбаковыя сустрэчы і перагаворы, падпісалі шэраг дакументаў. "Ад кожнага пагаднення свая карысць - павелічэнне тавараабароту, аб'ёмаў вытворчасці, новыя рабочыя месцы, дадатковая заработная плата і ўсё, што з гэтага вынікае. Важна, што мы вызначылі стратэгічную задачу на гэты год і яшчэ на пяць гадоў наперад. Думаю, што пасяджэнне прынясе шмат карысці развіццю эканомікі і Ніжагародскай вобласці, і Рэспублікі Беларусь", - адзначыў Яўген Люлін.

Па выніках 2015 года тавараабарот Беларусі і Ніжагародскай вобласці склаў $482,9 млн. Экспарт у Ніжагародскую вобласць склаў $250,6 млн (павелічэнне на 5 працэнтаў), імпарт - $232,2 млн.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс