Афіцыйны сайт Рэспублікі Беларусь
Бізнес
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

17 Mar 2023

Беларусь і Індыя правялі ў Нью-Дэлі сумесны прамысловы форум

Беларусь і Індыя правялі ў Нью-Дэлі сумесны прамысловы форум
Фота пасольства Беларусі ў Індыі

17 сакавіка, Мінск /Кар. БЕЛТА/. Беларуска-індыйскі прамысловы форум прайшоў 17 сакавіка ў Нью-Дэлі, паведамілі БЕЛТА ў беларускай дыпмісіі.

Мерапрыемства прайшло пад эгідай Канфедэрацыі індыйскай прамысловасці. Суарганізатарам форуму з беларускага боку выступіў Нацыянальны цэнтр маркетынгу і кан'юнктуры цэн пры Міністэрстве замежных спраў.

Беларуская дэлегацыя была прадстаўлена "Белкамунмашам", Мінскім аўтамабільным заводам, Мінскім трактарным заводам, "Гомсельмашам" і "Лідаграпраммашам". Узначаліў яе намеснік міністра прамысловасці Дзмітрый Харытончык.

Намеснік міністра прамысловасці прэзентаваў індустрыяльны і экспартны патэнцыял беларускіх прадпрыемстваў, у час форуму таксама адбыліся перагаворы з больш як 60 прадстаўнікамі індыйскіх дзелавых колаў. "Індыйскі бок высока ацаніў існуючы патэнцыял беларускіх вытворцаў і выказаў гатоўнасць наладжваць далейшае супрацоўніцтва", - адзначылі ў пасольстве Беларусі.

Таксама адбылася сустрэча Дзмітрыя Харытончыка з кіраўніцтвам дэпартамента развіцця прамысловасці і ўнутранага гандлю Міністэрства гандлю і прамысловасці Індыі, у час якой бакі абмеркавалі стан і перспектывы ўзаемадзеяння ў прамысловай сферы, сумесныя праекты прамысловай кааперацыі. "Дасягнуты дамоўленасці аб візіце ў адказ індыйскай прамысловай дэлегацыі ў Беларусь, а таксама аб падтрымцы індыйскага боку ў рэалізацыі ўзаемавыгадных сумесных праектаў у сферы прамысловасці на тэрыторыі Індыі", - сказалі ў дыпмісіі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі