Афіцыйны сайт Рэспублікі Беларусь
Бізнес
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Бізнес | Бізнес-навіны

Бізнес-навіны

27 Jan 2020

Беларусь і Манголія будуць развіваць супрацоўніцтва ў галіне транспарту і лагістыкі

Беларусь і Манголія будуць развіваць супрацоўніцтва ў галіне транспарту і лагістыкі
У час падпісання мемарандума. Фота Міністэрства транспарту і камунікацый

27 студзеня, Мінск /Кар. БЕЛТА/. Беларусь і Манголія падпісалі мемарандум аб супрацоўніцтве. Подпісы пад дакументам паставілі сёння ў Мінску міністр транспарту і камунікацый Аляксей Аўраменка і міністр развіцця дарог і транспарту Манголіі Бямбасурэнгійн Энх-Амгалан, перадае карэспандэнт БЕЛТА.

Мемарандум падпісаны на пяць гадоў. Ён прадугледжвае развіццё ўзаемадзеяння паміж краінамі і рэалізацыю сумесных праектаў. Таксама заключана дамоўленасць падтрымліваць інвестыцыі для забеспячэння свабодных умоў у сферы ажыццяўлення перавозак у галіне транспарту і лагістыкі.

"Беларусь і Манголію звязваюць даволі добрыя ўзаемаадносіны, - адзначыў па выніках сустрэчы Аляксей Аўраменка. - Асабліва, калі мы гаворым пра сумесныя праекты ў сферы транспарту. "Паміж краінамі ажыццяўляюцца паездкі аўтамабільным транспартам. За 2019 год беларускімі перавозчыкамі выкарыстана 744 універсальныя дазволы (на 24,2 працэнта больш, чым у 2018 годзе), мангольскімі - 334 дазволы (на 51,1 працэнта больш).

Што датычыцца супрацоўніцтва ў галіне чыгуначнага транспарту, то яно развіваецца паступальна. У мінулым годзе ў напрамку Беларусь - Манголія перавезена больш за 50 тыс. т грузаў, у параўнанні з 2018 годам гэта на 7 працэнтаў больш. "Сёння мы гаварылі аб тым, што маем рэзервы ў частцы павелічэння транзіту чыгуначным транспартам, у першую чаргу размова ідзе аб кантэйнерных перавозках", - сказаў Аляксей Аўраменка. Іх, паводле ацэнак бакоў, можна павялічыць кратна - магчымасці для гэтага ёсць.

Сярод абмяркоўваемых пытанняў ёсць таксама шэраг прапаноў у авіяцыйнай сферы, навучанні спецыялістаў. Мангольскі бок зацікаўлены ў набыцці беларускай дарожна-будаўнічай і тэхнікі МАЗ. Таксама замежным партнёрам цікавы вопыт Беларусі па пытаннях, звязаных з утрыманнем і рамонтам дарог.

Як было адзначана, у свеце ўсё больш шырока прымяняюцца халодныя рэсурсазберагальныя тэхналогіі для рамонту і ўтрымання аўтамабільных дарог. Беларусь валодае магчымасцямі іх прымянення. Адаптацыяй, распрацоўкай і суправаджэннем работ па ўкараненні тэхналогій займаецца дзяржаўнае прадпрыемства "БелдарНДІ". У сувязі з гэтым мангольскаму боку было прапанавана правесці работы па адаптацыі халодных тэхналогій прымяняльна да пагодна-кліматычных умоў, матэрыялаў і механізмаў Манголіі, а таксама арганізаваць навучанне спецыялістаў на базе беларускіх арганізацый.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі